തർക്കമുണ്ടായാല് കെപിസിസി നിരീക്ഷകൻ പ്രശ്നം പരിഹരിക്കുമെന്ന് പറഞ്ഞിരുന്നുവെങ്കിലും കോർ കമ്മിറ്റി വിളിച്ചില്ലെന്നും അവർ പറഞ്ഞു. കൗണ്സിലർമാരുടെ അഭിപ്രായം രഹസ്യ ബാലറ്റിലൂടെ തേടണമെന്നും, എന്നാല് അവസാന നിമിഷം അത് ഒഴിവാക്കിയതിനെക്കുറിച്ചും ദീപ്തി ചോദിച്ചു. ജനങ്ങളുടെ ഭാഗത്തു നിന്ന് വലിയ പിന്തുണ ലഭിച്ചിട്ടും പാർട്ടിക്ക് ഒപ്പം നില്ക്കുമെന്നും, മേയർ സ്ഥാനത്തിനായി വ്യക്തിപരമായി താല്പര്യമില്ലാതെ മത്സരിച്ചെന്നും അവർ വ്യക്തമാക്കി. എന്നാല്, ഐ ഗ്രൂപ്പും എ ഗ്രൂപ്പും തമ്മിലുള്ള രാഷ്ട്രീയ നീക്കങ്ങള് ദീപ്തിയുടെ സാധ്യതകള്ക്ക് തടസ്സമായി.
കൗണ്സിലർമാരെ വ്യക്തിപരമായി കണ്ടു അവരുടെ അഭിപ്രായം തേടാനുള്ള ദീപ്തിയുടെ ശ്രമം ഫലം നല്കാതെ പോയത് ശക്തമായ ഗ്രൂപ്പ് താല്പര്യങ്ങളാല് തടസപ്പെട്ടു. എ ഗ്രൂപ്പ് നേതാവ് ഡൊമിനിക്, ഐ ഗ്രൂപ്പ് നേതാവ് എൻ വേണുഗോപാല്, ഡിസിസി പ്രസിഡൻ്റ് മുഹമ്മദ് ഷിയാസ് എന്നിവർ കൗണ്സിലർമാരെ ഒറ്റക്ക് കണ്ടതോടെ ദീപ്തിക്ക് വേണ്ടി നിലപാടെടുത്ത് വന്ന ചില കൗണ്സിലർമാരും ഗ്രൂപ്പിന്റെ നിലപാടില് ചേർന്നു. ഇതിന്റെ ഫലമായി 20 കൗണ്സിലർമാർ ഷൈനി മാത്യുവിനെയും 17 പേർ വി കെ മിനിമോളെയും പിന്തുണച്ചു, ദീപ്തിക്ക് കിട്ടിയത് വെറും 4 പേർക്ക് മാത്രം പിന്തുണ ആയിരുന്നു.
ആദ്യമായ് മേയർ സ്ഥാനം വി കെ മിനിമോളിന് നല്കിയപ്പോള് എ ഗ്രൂപ്പിലെ യുവ നേതാവ് ദീപക് ജോയി ഡെപ്യൂട്ടി മേയറാകും. രണ്ടര വർഷത്തിനു ശേഷം ഷൈനി മാത്യു മേയറാകുമ്ബോള് ഐ ഗ്രൂപ്പ് മുതിർന്ന നേതാവ് കെപിവി കൃഷ്ണകുമാർ ഡെപ്യൂട്ടി മേയറായെത്തും. ദീപ്തിയുടെ അനുകൂലികളാണ് ചില നേതാക്കളുടെ വ്യക്തിപരമായ താല്പര്യത്തിന്റെ പേരില് കെപിസിസി മാനദണ്ഡങ്ങള് ലംഘിച്ചതായി ആരോപിക്കുന്നത്.
