അനര്ഹമായി ക്ഷേമപെന്ഷന്(Welfare pension) വാങ്ങിയ സര്ക്കാര് ജീവനക്കാര്ക്കെതിരെ കര്ശന നടപടിയെന്ന് മുഖ്യമന്ത്രി പിണറായി വിജയന്(CM pinarayi vijayan). തട്ടിപ്പുകാണിച്ചവര്ക്കെതിരെ വകുപ്പ് തലത്തില് അച്ചടക്ക നടപടിയെടുക്കും. കൈപ്പറ്റിയ തുക പലിശ സഹിതം തിരിച്ചടപ്പിക്കും. സര്ക്കാര് ജീവനക്കാരും പെന്ഷന്കാരും അനര്ഹമായി ക്ഷേമപെന്ഷന് വാങ്ങുന്നത് വ്യക്തമായ പശ്ചാത്തലത്തില് ചേര്ന്ന പ്രത്യേക യോഗത്തിലാണ് തീരുമാനം.
പട്ടികയിൽ അനര്ഹര് കയറിക്കൂടാന് സാഹചര്യമൊരുക്കിയ ഉദ്യോഗസ്ഥര്ക്കെതിരെയും നടപടിയുണ്ടാകും. അനര്ഹമായി പെന്ഷന് വാങ്ങുന്ന ജീവനക്കാര് അല്ലാത്തവര്ക്കെതിരെയും നടപടിയുണ്ടാകുമെന്നും മുഖ്യമന്ത്രി പറഞ്ഞു.
മരണപ്പെട്ടവരെ അതത് സമയത്ത് കണ്കറിങ്ങ് മസ്റ്ററിങ്ങ് നടത്തി ലിസ്റ്റില് നിന്ന് ഒഴിവാക്കും. വാര്ഷിക മസ്റ്ററിങ്ങ് നിര്ബന്ധമാക്കും. ഇതിന് ഫെയ്സ് ഓതന്റിക്കേഷന് സംവിധാനം ഏര്പ്പെടുത്തും. വരുമാന സര്ട്ടിഫിക്കറ്റ്, ആധാര് സീഡിങ്ങ് എന്നിവ നിര്ബന്ധമാക്കും.
