ന്യൂഡല്ഹി: വി.ഡി.സതീശന്റെ നേതൃത്വത്തിലുള്ള യുഡിഎഫ് സർക്കാരിന് ആശംസകള് അറിയിച്ച് ലോക്സഭാ പ്രതിപക്ഷ നേതാവ് രാഹുല് ഗാന്ധി. കേരളത്തിലെ ജനങ്ങളാണ് ഈ സര്ക്കാരിന് വേണ്ടി പോരാടിയതെന്നും അവരുടെ ശബ്ദമായിരിക്കും സര്ക്കാരിനെ നയിക്കുകയെന്നും രാഹുല് വ്യക്തമാക്കി.
വി.ഡി.സതീശന് ജിക്കും മുഴുവന് മന്ത്രിസഭയ്ക്കും അഭിനന്ദനങ്ങള്, അവര് ഇനി ഓരോ കേരളീയന്റെയും ശബ്ദത്തെ പ്രതിനിധീകരിക്കും എന്നാണ് രാഹുല് ഗാന്ധി എക്സിൽ കുറിച്ചത്. വി.ഡി. സതീശന് മന്ത്രിസഭയെ അഭിനന്ദിച്ചുള്ള കുറിപ്പില് എഐസിസി ജനറല് സെക്രട്ടറി കെ.സി. വേണുഗോപാലിനേയും രാഹുല് ഗാന്ധി പ്രത്യേകം പരാമര്ശിക്കുന്നുണ്ട്.
പ്രചാരണത്തിന് മുന്നിരയില് നിന്ന് നേതൃത്വം നല്കിയ കെ.സി.വേണുഗോപാലിന് നന്ദിയെന്നാണ് രാഹുല് കുറിച്ചത്. വിജയം ഈ പ്രചാരണത്തില് അക്ഷീണം ത്യാഗം ചെയ്ത ഓരോ യുഡിഎഫ് പ്രവര്ത്തകനും അവകാശപ്പെട്ടതാണെന്നും രാഹുല് കുറിച്ചു.
