Author: George Kakkanatt

മരണത്തിന്റെ നിരാശ യേശുനാമത്തിൽ എന്നെന്നേക്കുമായി ഇല്ലാതായെന്ന് ലെയോ പതിനാലാമൻ മാർപാപ്പ. ഈസ്റ്റർ തിങ്കളാഴ്ച വത്തിക്കാനിലെ സെന്റ് പീറ്റേഴ്‌സ് സ്‌ക്വയറിൽ തടിച്ചുകൂടിയ വിശ്വാസികളെ അഭിസംബോധന ചെയ്ത് സംസാരിക്കുകയായിരുന്നു പാപ്പ. ക്രിസ്തുവിന്റെ ഉയിർപ്പ് മാനവരാശിക്ക് നൽകുന്ന പ്രത്യാശയെക്കുറിച്ച് പാപ്പ സന്ദേശത്തിൽ വെളിപ്പെടുത്തി. ക്രിസ്തുവിന്റെ പുനരുത്ഥാനം മരണത്തിന്റെ അന്ധകാരത്തെ നീക്കിയെന്നും അത് വിശ്വാസികൾക്ക് നിത്യജീവനിലേക്കുള്ള വാതിൽ തുറന്നുനൽകിയെന്നും മാർപാപ്പ ഓർമ്മിപ്പിച്ചു. “ഇനിമുതൽ മരണം ഒരു അവസാനമല്ല, മറിച്ച് ദൈവത്തിന്റെ സ്നേഹത്തിലേക്കുള്ള പ്രവേശനമാണ്” – പാപ്പ പറഞ്ഞു. സുവിശേഷത്തിലെ ഉയിർപ്പിന്റെ വിവരണങ്ങളെ ആസ്പദമാക്കി, സത്യത്തെ മൂടിവയ്ക്കാൻ ശ്രമിക്കുന്ന ‘വ്യാജവാർത്തകളെ’ക്കുറിച്ച് പാപ്പ മുന്നറിയിപ്പ് നൽകി. കല്ലറ ഒഴിഞ്ഞുകിടക്കുന്നതു കണ്ട കാവൽക്കാർ പണം വാങ്ങി കള്ളം പ്രചരിപ്പിച്ചു. എന്നാൽ, സ്ത്രീകൾ സത്യസന്ധമായ സാക്ഷ്യം ലോകത്തിനു നൽകി. ഇന്നും സത്യം പലപ്പോഴും അസത്യങ്ങളാൽ മൂടപ്പെടുന്നുണ്ടെങ്കിലും, ക്രിസ്തുവാകുന്ന സത്യം എപ്പോഴും പ്രകാശിക്കുമെന്നും പാപ്പ...

ഫ്രാൻസിലെ കത്തോലിക്കാ സഭയിൽ വലിയ ആത്മീയ മുന്നേറ്റം ദൃശ്യമാകുന്നതായി റിപ്പോർട്ടുകൾ. 2026-ലെ ഈസ്റ്റർ ദിനത്തോടനുബന്ധിച്ച് രാജ്യത്തുടനീളം ഇരുപതിനായിരത്തിലധികം മുതിർന്നവരും കൗമാരക്കാരുമാണ് ജ്ഞാനസ്നാനം സ്വീകരിച്ച് സഭയുടെ ഭാഗമായത്. ഫ്രഞ്ച് ബിഷപ്പ് കോൺഫറൻസ് പുറത്തുവിട്ട കണക്കുകൾ പ്രകാരം കഴിഞ്ഞ വർഷങ്ങളെ അപേക്ഷിച്ച് ജ്ഞാനസ്നാനം സ്വീകരിക്കുന്നവരുടെ എണ്ണത്തിൽ വൻ വർധനവാണ് രേഖപ്പെടുത്തിയിരിക്കുന്നത്. സഭയിലേക്ക് എത്തുന്നവരിൽ ഭൂരിഭാഗവും 18-നും 25-നും ഇടയിൽ പ്രായമുള്ളവരാണെന്നത് ശ്രദ്ധേയമാണ്. ആധുനിക കാലത്തെ പ്രതിസന്ധികൾക്കിടയിൽ ആത്മീയമായ അർഥം തേടുന്ന യുവാക്കളുടെ എണ്ണം വർധിക്കുന്നതായി സഭാനേതൃത്വം വിലയിരുത്തുന്നു. ഈ വർഷം ഏകദേശം 12,000 മുതിർന്നവരും 8,000-ത്തിലധികം കൗമാരക്കാരുമാണ് വിശുദ്ധ വാരത്തിൽ മാമോദീസ സ്വീകരിച്ചത്. കഴിഞ്ഞ പത്ത് വർഷത്തിനിടയിലെ ഏറ്റവും ഉയർന്ന നിരക്കാണിത്. രാജ്യത്തെ വിവിധ രൂപതകളിൽ നടന്ന പ്രൗഢഗംഭീരമായ ചടങ്ങുകളിൽ ബിഷപ്പുമാരും വൈദികരും നേതൃത്വം നൽകി. ജ്ഞാനസ്നാനം സ്വീകരിച്ചവർക്കായി വരും മാസങ്ങളിൽ പ്രത്യേക പ്രാർഥനാ കൂട്ടായ്മകളും പഠനക്ലാസുകളും സംഘടിപ്പിക്കുമെന്നും സഭാ വൃത്തങ്ങൾ...

സർക്കാർ ഏർപ്പെടുത്തിയ കടുത്ത നിയന്ത്രണങ്ങളെയും നിരീക്ഷണങ്ങളെയും അവഗണിച്ച് നിക്കരാഗ്വയിൽ വിശുദ്ധവാര ചടങ്ങുകളിൽ പങ്കുചേർന്ന് ജനലക്ഷങ്ങൾ. മതപരമായ ഘോഷയാത്രകൾക്കും പൊതുസമ്മേളനങ്ങൾക്കും ഡാനിയൽ ഒർട്ടേഗയുടെ നേതൃത്വത്തിലുള്ള ഭരണകൂടം വിലക്കേർപ്പെടുത്തിയിരുന്നെങ്കിലും, പള്ളികൾക്കുള്ളിൽ നടന്ന പ്രാർഥനകളിൽ വിശ്വാസികളുടെ വൻ പങ്കാളിത്തമാണ് ദൃശ്യമായതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. സുരക്ഷാകാരണങ്ങൾ ചൂണ്ടിക്കാട്ടി തെരുവുകളിലെ പരമ്പരാഗത ഈസ്റ്റർ ഘോഷയാത്രകൾക്ക് സർക്കാർ അനുമതി നിഷേധിച്ചിരുന്നു. എന്നാൽ, വിശ്വാസികൾ പള്ളികൾക്കുള്ളിലും മുറ്റത്തുമായി നിന്ന് ചടങ്ങുകൾ ഭക്തിപൂർവം പൂർത്തിയാക്കി. രാജ്യത്തെ പ്രധാന ദൈവാലയങ്ങൾക്കു മുന്നിൽ പൊലീസിനെ വൻതോതിൽ വിന്യസിച്ചിരുന്നു. പ്രാർഥനയ്ക്ക് എത്തുന്നവരെ നിരീക്ഷിക്കാനും ഭയപ്പെടുത്താനുമുള്ള നീക്കമാണിതെന്ന് മനുഷ്യാവകാശ സംഘടനകൾ ആരോപിച്ചു. അതേസമയം, പള്ളികളിലെത്തുന്നവരുടെ ദൃശ്യങ്ങൾ പൊലീസ് പകർത്തിയതായും റിപ്പോർട്ടുകളുണ്ട്. നിയന്ത്രണങ്ങൾ കടുക്കുമ്പോഴും തങ്ങളുടെ വിശ്വാസം പ്രകടിപ്പിക്കാൻ ലഭിക്കുന്ന അവസരമായിട്ടാണ് ജനങ്ങൾ ഇതിനെ കാണുന്നത്. “ഞങ്ങൾ ഭയപ്പെടുന്നില്ല. ക്രിസ്തുവിനോടൊപ്പം പ്രാർഥിക്കാനാണ് ഞങ്ങൾ ഇവിടെ എത്തിയത്” എന്ന് ഒരു വിശ്വാസി പ്രതികരിച്ചു. നിക്കരാഗ്വയിൽ കത്തോലിക്കാ സഭയും ഒർട്ടേഗ സർക്കാരും തമ്മിലുള്ള ബന്ധം ഏറെ നാളായി വഷളായിക്കൊണ്ടിരിക്കുകയാണ്. സഭാനേതാക്കളെ ജയിലിലടയ്ക്കുന്നതും നാടുകടത്തുന്നതും തുടർച്ചയായ സംഭവങ്ങളായി...