Author: George Kakkanatt

ഈ വർഷത്തെ ഹജ്ജ് തീർത്ഥാടനത്തിനായി ഇന്ത്യയിൽ നിന്നുള്ള ആദ്യ സംഘം ഏപ്രിൽ 18-ന് (ദുൽ ഖഅദ് ഒന്ന്) സൗദി അറേബ്യയിലെത്തും. മുംബൈയിൽ നിന്നുള്ള നാനൂറിലധികം തീർത്ഥാടകർ ഉൾപ്പെടുന്ന ആദ്യ വിമാനം മദീനയിലാണ് ഇറങ്ങുക. ഇത്തവണ ആകെ 1,75,025 ഇന്ത്യൻ തീർത്ഥാടകർക്കാണ് ഹജ്ജ് കർമത്തിന് അവസരം ലഭിച്ചിരിക്കുന്നത്. ഇതിൽ 1.22 ലക്ഷത്തിലധികം പേർ ഹജ്ജ് കമ്മിറ്റി വഴിയും ബാക്കിയുള്ളവർ സ്വകാര്യ ഗ്രൂപ്പുകൾ വഴിയുമാണ് എത്തുന്നത്. തീർത്ഥാടകരെ സ്വീകരിക്കാനുള്ള എല്ലാ സജ്ജീകരണങ്ങളും മക്കയിലും മദീനയിലും പൂർത്തിയായതായി ഇന്ത്യൻ ഹജ്ജ് മിഷൻ അറിയിച്ചു. ഇത്തവണ ഹജ്ജ് കമ്മിറ്റി വഴി എത്തുന്ന മുഴുവൻ തീർത്ഥാടകർക്കും ട്രാക്കിംഗിനും അടിയന്തര സേവനങ്ങൾക്കുമായി പ്രത്യേക സ്മാർട്ട് വാച്ചുകൾ വിതരണം ചെയ്യും. യാത്രകൾ സുഗമമാക്കാൻ പകുതിയോളം ഹാജിമാർക്ക് മക്കയിലേക്കും മദീനയിലേക്കുമുള്ള യാത്രകൾക്ക് ഹൈസ്പീഡ് മെട്രോ സൗകര്യം ലഭ്യമാക്കും. മദീനയിലെത്തുന്ന എല്ലാ ഹാജിമാർക്കും പ്രവാചക പള്ളിക്ക് തൊട്ടടുത്തുള്ള ‘മർക്കസിയ’ ഏരിയയിലാണ് താമസം ഒരുക്കിയിരിക്കുന്നത്. മക്കയിൽ ഹറമിലേക്ക് പോകുന്നതിനായി 24 മണിക്കൂറും പ്രവർത്തിക്കുന്ന ഷട്ടിൽ ബസ് സർവീസുകളും സജ്ജമാണ്. 350 പേരടങ്ങുന്ന മെഡിക്കൽ – പാരാമെഡിക്കൽ സംഘവും 200 ഡെപ്യൂട്ടേഷൻ ഉദ്യോഗസ്ഥരും തീർത്ഥാടകരെ സഹായിക്കാൻ ഇന്ത്യയിൽ നിന്നെത്തും. 150 ഹാജിമാർക്ക് ഒരാൾ എന്ന ക്രമത്തിൽ പരിശീലനം ലഭിച്ച ഹജ്ജ് ഇൻസ്പെക്ടർമാരെ നിയോഗിച്ചിട്ടുണ്ട്. മഹ്റം (പുരുഷ തുണ) ഇല്ലാതെ എത്തുന്ന വനിതകൾക്കായി പ്രത്യേക വനിതാ ഇൻസ്പെക്ടർമാരുടെ സേവനവും ലഭ്യമാക്കും. ഇത്തവണ താമസസ്ഥലങ്ങളിൽ ഭക്ഷണം പാകം ചെയ്യാൻ അനുമതിയില്ലെങ്കിലും ഹാജിമാർക്ക് ഇഷ്ടമുള്ള ഭക്ഷണം തിരഞ്ഞെടുക്കാൻ കാറ്ററിങ് സർവീസുകളുടെ വിവരങ്ങൾ ഹജ്ജ് മിഷൻ നൽകും. ഇന്ത്യയിലെ 17 എംബാർക്കേഷൻ പോയിന്റുകളിൽ നിന്നായി അഞ്ച് വിമാന കമ്പനികളാണ് സർവീസ് നടത്തുന്നത്. ഏപ്രിൽ 18-ന് തുടങ്ങുന്ന യാത്രകൾ മെയ് 20-ഓടെ പൂർത്തിയാകും. കേരളത്തിൽ നിന്നുള്ള തീർത്ഥാടകർ ഏപ്രിൽ 30 മുതൽ ജിദ്ദ വഴി മക്കയിലെത്തി തുടങ്ങും. ജിദ്ദ ഇന്ത്യൻ കോൺസുലേറ്റിൽ നടന്ന വാർത്താസമ്മേളനത്തിൽ കോൺസൽ ജനറൽ ഫഹദ് അഹമ്മദ് ഖാൻ സൂരി ഉൾപ്പെടെയുള്ള ഉന്നത ഉദ്യോഗസ്ഥർ ഒരുക്കങ്ങൾ...

ഫ്രാൻസിലെ വിശ്വപ്രസിദ്ധമായ ലൂർദിലെ തീർഥാടന കേന്ദ്രത്തിൽ നീണ്ട 17 വർഷത്തെ സ്തുത്യർഹമായ സേവനത്തിന് ശേഷം മെഡിക്കൽ ഒബ്സർവേഷൻസ് ഓഫീസ് ഡയറക്ടർ ഡോ. അലസ്സാൻഡ്രോ ഡി ഫ്രാൻസിസിസ് ഔദ്യോഗികമായി വിരമിച്ചു. ലൂർദ്‌സിൽ സുഖം പ്രാപിച്ചുവെന്ന് അവകാശപ്പെടുന്നവരുടെ കേസുകൾ നിലവിലെ ശാസ്ത്രീയ അറിവുകളുടെ അടിസ്ഥാനത്തിൽ വിശദീകരിക്കാൻ കഴിയുമോ എന്ന് പരിശോധിക്കുക മാത്രമാണ് മെഡിക്കൽ ബ്യൂറോയുടെ ജോലി. 70-കാരനായ ഈ ഇറ്റാലിയൻ അമേരിക്കൻ ഡോക്ടർ, ലൂർദ്‌ മാതാവിന്റെ തിരുനാൾ ദിനമായ 2026 ഫെബ്രുവരി 11-നാണ് സ്ഥാനമൊഴിഞ്ഞത്. അദ്ദേഹത്തിന് പകരമായി ഇറ്റാലിയൻ സർജനായ ഡോ. ജിയാഡ മൊണാമി ചുമതലയേൽക്കും. ലൂർദ്‌സിന്റെ ചരിത്രത്തിൽ മെഡിക്കൽ ഓഫീസിന്റെ തലപ്പത്തെത്തുന്ന ആദ്യ വനിതയായിരിക്കും ഡോ. മൊണാമി. താൻ ഒരു ‘അദ്ഭുത പ്രവർത്തകൻ’ അല്ലെന്നും മറിച്ച് ഒരു ശാസ്ത്രജ്ഞനാണെന്നുമാണ് ഡോ. ഡി ഫ്രാൻസിസിസ് എപ്പോഴും വിശ്വസിച്ചിരുന്നത്. “വൈദ്യശാസ്ത്രത്തിൽ അദ്ഭുതങ്ങൾ എന്ന വാക്കിന് സ്ഥാനമില്ല” എന്ന് അദ്ദേഹം ഉറപ്പിച്ചു പറയുന്നു. 1883-ൽ സ്ഥാപിതമായ ഈ ബ്യൂറോയിൽ ഇതുവരെ ആയിരക്കണക്കിന് കേസുകൾ റിപ്പോർട്ട് ചെയ്യപ്പെട്ടിട്ടുണ്ടെങ്കിലും, അതികഠിനമായ പരിശോധനകൾക്ക് ശേഷമേ അവ സഭയുടെ പരിഗണനയ്ക്ക് അയക്കാറുള്ളൂ. ലൂർദ്‌സിലെ രോഗശാന്തികൾ അംഗീകരിക്കുന്നതിന് കർശനമായ മാനദണ്ഡങ്ങളാണ് പിന്തുടരുന്നത്. രോഗനിർണ്ണയം വ്യക്തമായിരിക്കണം, രോഗം ഗുരുതരമായിരിക്കണം, സുഖപ്പെടൽ പെട്ടെന്നുള്ളതും പൂർണ്ണവും കാലക്രമേണ നിലനിൽക്കുന്നതുമായിരിക്കണം എന്നിവയാണ് പ്രധാന നിബന്ധനകൾ. ഡോ. ഡി ഫ്രാൻസിസിന്റെ കാലയളവിൽ മാത്രം 1,500 ഓളം രോഗശാന്തി റിപ്പോർട്ടുകൾ ലഭിച്ചെങ്കിലും വളരെ കുറച്ച് കേസുകൾ മാത്രമേ ആഴത്തിലുള്ള അന്വേഷണത്തിന് വിധേയമാക്കിയിട്ടുള്ളൂ. ലോകമെമ്പാടുമുള്ള 30 ഗവേഷകർ അടങ്ങുന്ന അന്താരാഷ്ട്ര മെഡിക്കൽ കമ്മിറ്റിയുടെ മൂന്നിൽ രണ്ട് ഭൂരിപക്ഷത്തോടെ മാത്രമേ ഒരു കേസ് ‘വിശദീകരിക്കാനാകാത്ത രോഗശാന്തി’യായി അംഗീകരിക്കുകയുള്ളൂ. ഇതിനുശേഷം മാത്രമാണ് സഭ ഒരു അദ്ഭുതം സംഭവിച്ചോ എന്ന് തീരുമാനിക്കുന്നത്. 1858 മുതൽ ഇതുവരെ ഏകദേശം 8,000 രോഗശാന്തി കേസുകൾ ലൂർദ്‌സിൽ രേഖപ്പെടുത്തിയിട്ടുണ്ടെങ്കിലും സഭ ഔദ്യോഗികമായി അദ്ഭുതമെന്ന് അംഗീകരിച്ചിട്ടുള്ളത് 72 കേസുകൾ മാത്രമാണ്. ഡോ. ഡി ഫ്രാൻസിസിസിന്റെ സേവനകാലത്ത് അഞ്ച് കേസുകൾ ഇത്തരത്തിൽ അംഗീകരിക്കപ്പെട്ടു. ഏറ്റവും ഒടുവിൽ 2025 ഏപ്രിലിൽ ഇറ്റാലിയൻ വനിതയായ അന്റോണിയ റാക്കോയുടെ രോഗമുക്തി അദ്ഭുതമായി പ്രഖ്യാപിച്ചിരുന്നു. തളർച്ച ബാധിച്ച അവർ 2009-ൽ ലൂർദ്‌സ് സന്ദർശനത്തിന് പിന്നാലെയാണ് അദ്ഭുതകരമായി സുഖം പ്രാപിച്ചത്. വിരമിച്ച ഡോക്ടർക്ക് പകരമായി എത്തുന്ന ഡോ. ജിയാഡ മൊണാമി മികച്ച ഗവേഷണ പരിചയമുള്ള വ്യക്തിയാണ്. കുട്ടിക്കാലം മുതൽ ലൂർദ്‌സുമായി ആത്മീയ ബന്ധം പുലർത്തുന്ന അവർ, കഴിഞ്ഞ പത്ത് വർഷമായി രോഗികളെ ലൂർദ്‌സിലേക്ക് അനുഗമിക്കുന്ന വളണ്ടിയർ ഡോക്ടറായും പ്രവർത്തിച്ചിട്ടുണ്ട്. ഡോ. ഡി ഫ്രാൻസിസിസ് കെട്ടിപ്പടുത്ത അന്താരാഷ്ട്ര മെഡിക്കൽ സമൂഹത്തെ മുൻപോട്ടു നയിക്കുക എന്ന വലിയ ഉത്തരവാദിത്തമാണ് പുതിയ ഡയറക്ടർക്ക് മുന്നിലുള്ളത്. ശാസ്ത്രവും വിശ്വാസവും തമ്മിലുള്ള ഈ സുതാര്യമായ ബന്ധം ലൂർദ്‌സിന്റെ പവിത്രത ലോകത്തിന് മുൻപിൽ എന്നും...