നടി സാമന്ത റൂത്ത് പ്രഭുവും സംവിധായകൻ രാജ് നിദിമോരുവും വിവാഹിതരായതായി റിപ്പോർട്ട്. തിങ്കളാഴ്ച രാവിലെയാണ് ഇരുവരും വിവാഹിതരായത്. “ഈഷ യോഗ സെന്ററിനുള്ളിലെ ലിംഗ ഭൈരവി ക്ഷേത്രത്തിൽ പുലർച്ചെയാണ് വിവാഹം നടന്നതെന്നാണ് വിവരം. വിവാഹ അഭ്യൂഹങ്ങൾക്കിടെ രാജിന്റെ മുൻ ഭാര്യ ശ്യാമാലി ദേ തന്റെ ഇൻസ്റ്റാഗ്രാം സ്റ്റോറികളിൽ ദിവസങ്ങളായി പങ്കുവെക്കുന്ന കാര്യങ്ങളും സംശയം ഉയർത്തി.
“നിരാശരായ ആളുകൾ നിരാശരായ കാര്യങ്ങൾ ചെയ്യുന്നു” എന്ന് പോസ്റ്റ് ചെയ്തിരുന്നു, ഇത് എല്ലാവരുടെയും അമ്പരപ്പിന് കാരണമായി. റിപ്പോർട്ടുകൾ പ്രകാരം, 2022ലാണ് രാജുമായി ഇവർ വിവാഹമോചനം നേടിയത്. 2024 മുതൽ സാമന്തയും രാജും തമ്മിൽ പ്രണയത്തിലാണെന്ന തരത്തിൽ വാർത്തകൾ എത്തിയിരുന്നു. എന്നാൽ ഇരുവരും ഇതിനെക്കുറിച്ച് എവിടെയും സംസാരിച്ചിരുന്നില്ല.
ഒരു വർഷത്തിലേറെയായി സാമന്തയും രാജും പ്രണയത്തിലാണെന്ന് അഭ്യൂഹങ്ങൾ പ്രചരിച്ചിരുന്നു. കഴിഞ്ഞ മാസം ഇരുവരും ഒരുമിച്ച് തിരുമല ക്ഷേത്രത്തിൽ ദർശനം നടത്തിയതും ആരാധകരിൽ അവരുടെ ബന്ധത്തെക്കുറിച്ച് കൂടുതൽ ജിജ്ഞാസ ഉണർത്തി. ദ ഫാമിലി മാൻ, സിറ്റാഡൽ: ഹണി ബണ്ണി എന്നീ വെബ് സീരീസുകൾക്കായി സാമന്തയും രാജും ഒരുമിച്ച് പ്രവർത്തിച്ചു.
