ഫോൺ വഴിയുള്ള തട്ടിപ്പുകൾക്കെതിരെ ആൻഡ്രോയിഡിൻ്റെ പ്രതിരോധം ശക്തമാക്കാൻ ഗൂഗിൾ പുതിയ സംവിധാനം അവതരിപ്പിച്ചു. പണമിടപാടുമായി ബന്ധപ്പെട്ട കോളുകൾക്കിടയിൽ ആളുകൾ കൂടുതൽ ദുർബലരാകുന്ന സാഹചര്യങ്ങളിൽ ഇടപെടുന്ന ഇൻ-കോൾ സ്കാം പ്രൊട്ടക്ഷൻ (in-call scam protection) എന്ന ഈ ഫീച്ചർ കൂടുതൽ ഉപയോക്താക്കൾക്ക് ആശ്വാസമാകും.
തട്ടിപ്പുകാർ ബാങ്കിൽ നിന്നാണെന്ന് നടിച്ച് വിളിച്ച്, പണം കൈമാറ്റം ചെയ്യാനുള്ള ആപ്പുകൾ തുറക്കാൻ ഇരകളെ പ്രേരിപ്പിക്കുന്ന സാഹചര്യമാണ് ഈ സംവിധാനം തകർക്കാൻ ലക്ഷ്യമിടുന്നത്.
