ഡാളസ്: കേരള ലിറ്റററി സൊസൈറ്റി ഓഫ് ഡാളസ് ശനിയാഴ്ച രാവിലെ 9.30ന്(സിഎസ്ടി) അക്ഷരശ്ലോകസദസ് സംഘടിപ്പിക്കുന്നു. നോർത്ത്‌ അമേരിക്കയിൽ നിന്നും മിഡിൽ ഈസ്റ്റിൽ നിന്നും കേരളത്തിൽ നിന്നുമുള്ള അക്ഷരശ്ലോകപ്രവീണർ പരിപാടിയിൽ പങ്കെടുക്കും.
സദസിലെത്തുന്നവർക്കു നേരിട്ടും പങ്കെടുക്കാവുന്ന രീതിയിലാണു പരിപാടി ക്രമീകരിച്ചിരിക്കുന്നത്‌. അക്ഷരശ്ലോകനിയമങ്ങൾ പൂർണമായി പാലിച്ച് നടത്തുന്ന ഈ പരിപാടിയിൽ പ്രശസ്ത അക്ഷരശ്ലോകവിദഗ്ധനായ ഉമേഷ്‌ നരേന്ദ്രൻ(യുഎസ്‌എ) പ്രധാന അവതാരകനാവും.
അക്ഷരശ്ലോകരംഗത്ത് അറിയപ്പെടുന്ന കെ. ശങ്കരനാരായണൻ നമ്പൂതിരിയും അമേരിക്കയിൽ നിന്നുള്ള അക്ഷരശ്ലോകവിദഗ്ധരായ ഹരിദാസ് മംഗലപ്പിള്ളി, രാജേഷ് വർമ്മ, ബിന്ദു വർമ, സീമ രാജീവ് (കാനഡ) എന്നിവരും സൂമിൽ പങ്കുചേരും.
കേരളത്തിൽ നിന്ന് മറ്റനേകർക്കൊപ്പം കെ.വേലപ്പന്‍പിള്ളയും(വിദ്യാധിരാജാ അക്ഷരശ്ലോക സമിതി, കണ്ണമ്മൂല, തിരുവനന്തപുരം) അക്ഷരശ്ലോകകലാ പരിശീലകനായ എ.യു. സുധീര്‍കുമാറും (എറണാകുളം) അദ്ദേഹത്തിന്‍റെ ശിഷ്യകളായ ആരാധ്യ എസ്. വാര്യരും ഗായത്രിയും പരിപാടിയിൽ പങ്കെടുക്കും.
അമേരിക്കയിലും നാട്ടിലുമുള്ള അക്ഷരശ്ലോക പ്രവീണർക്കൊപ്പം ഉമേഷ്‌ നരേന്ദ്രന്‍റെ സരളമായ അവതരണവും ആസ്വാദ്യകരമാക്കുന്ന ഈ മലയാള ശ്ലോകസദസിൽ ശ്രോതാക്കൾക്കും ശ്ലോകങ്ങൾ ചൊല്ലുവാനും അവസരമുണ്ടായിരിക്കും.
പരിപാടിയിലേക്ക് എല്ലാ ഭാഷാസ്നേഹികളെയും സ്വാഗതം ചെയ്യുന്നതാ‌യി സംഘാടകർ അറിയിച്ചു. സമയം: രാവിലെ 9.30 സിഎസ്ടി (ഇന്ത്യൻ സമയം ശനിയാഴ്ച രാത്രി എ‌ട്ട്).
സൂം ഐഡി: 812 9102 5944, പാസ്കോഡ്‌: 429791.
