ഇന്ത്യയുടെ വിവിധ ഭാഗങ്ങളിൽ വേനൽ കടുക്കുന്നതിനിടെ വടക്കുപടിഞ്ഞാറൻ മേഖലയിൽ രൂപപ്പെടുന്ന ശക്തമായ ആന്റിസൈക്ലോണിക് സംവിധാനം (Anticyclonic System) കാലാവസ്ഥാ നിരീക്ഷകർ അതീവ ജാഗ്രതയോടെ നിരീക്ഷിക്കുന്നു. വരും ദിവസങ്ങളിൽ രൂപപ്പെടുന്ന ഈ ഹൈ-പ്രഷർ സംവിധാനം പല സംസ്ഥാനങ്ങളിലും താപനില ഗണ്യമായി ഉയർത്താൻ കാരണമാകുമെന്ന് മുന്നറിയിപ്പുണ്ട്.
മെയ് 10-നും 13-നും ഇടയിൽ ഈ കാലാവസ്ഥാ വ്യതിയാനം കൂടുതൽ ശക്തമാകുമെന്നാണ് റിപ്പോർട്ടുകൾ സൂചിപ്പിക്കുന്നത്. സാധാരണയായി മെയ് മാസത്തിൽ ചൂട് അനുഭവപ്പെടാറുണ്ടെങ്കിലും, നിലവിലെ സിസ്റ്റത്തിന്റെ വ്യാപ്തിയും തീവ്രതയും കണക്കിലെടുക്കുമ്പോൾ ഇത് വലിയൊരു പ്രദേശത്തെ ബാധിക്കുമെന്നാണ് കരുതപ്പെടുന്നത്.
