കഴിഞ്ഞ ഏതാനും ദിവസങ്ങളായി ചാഞ്ചാട്ടം തുടരുന്ന സംസ്ഥാനത്തെ സ്വർണ്ണവിലയിൽ ഇന്ന് വൻ കുതിപ്പ്. ഇന്നലെ രാവിലെ നേരിയ ആശ്വാസം പകർന്നിരുന്ന വിപണിയിൽ വൈകീട്ട് 560 രൂപയുടെ വർദ്ധനവാണ് ഉണ്ടായത്. ഇതിന് പിന്നാലെയാണ് ഇന്നത്തെ കുതിപ്പ്.
ഒരു പവൻ സ്വർണ്ണത്തിന് ഇന്ന് 600 രൂപയാണ് കൂടിയത്. ഇതോടെ വിപണിയിൽ ഒരു പവൻ സ്വർണ്ണത്തിൻ്റെ വില 1,13,080 രൂപയായി താഴ്ന്നു. ഗ്രാമിന് 75 രൂപ കൂടി 14,280 രൂപയിലാണ് ഇന്ന് വ്യാപാരം നടക്കുന്നത്. ഇതോടെ ഏപ്രിൽ മാസത്തിലെ ഏറ്റവും ഉയർന്ന നിരക്കിലാണ് ഇന്ന് സ്വർണ വ്യാപാരം നടക്കുന്നത്. നാളെ അക്ഷയ തൃതീയ ദിനം എത്താനിരിക്കെയാണ് ഇന്നത്തെ ഈ കുതിച്ചു ചാട്ടം എന്നതും ശ്രദ്ധേയമാണ്.
