പത്തനംതിട്ട: അടിസ്ഥാന ശമ്പളം 40000 രൂപയാക്കണമെന്ന നഴ്സുമാരുടെ ആവശ്യം അംഗീകരിച്ച് പരുമല ആശുപത്രി. പരിശുദ്ധ കാതോലിക്കാ ബാവായുടെ അധ്യക്ഷതയിൽ ചേർന്ന പരുമല ആശുപത്രി മാനേജ്മെന്റ് കമ്മിറ്റി യോഗത്തിലാണ് തീരുമാനം. നഴ്സുമാരുടെ ശമ്പള വർധനവ് സംബന്ധിച്ച ധാരണാപത്രം ആശുപത്രി സിഇഒ ഫാദർ എം സി പൗലോസ് സീനിയർ നഴ്സിംഗ് സ്റ്റാഫ് പ്രതിനിധികളായ സുജിത്ത് കെ ജോർജ്, സാം കെ മാത്യു എന്നിവർക്ക് കൈമാറി. അടിസ്ഥാന ശമ്പളം 40000 രൂപയാക്കണമെന്നാവശ്യപ്പെട്ട് സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് യുഎൻഎയുടെ നേതൃത്വത്തിൽ സമരത്തിലാണ്. അതേസമയം, സമരത്തെതുടര്ന്ന് ആശുപത്രിയിലെ സേവനങ്ങള് മുടങ്ങരുതെന്ന് ഹൈക്കോടതി സര്ക്കാരിന് നിര്ദേശം നൽകിയിട്ടുണ്ട്.
നഴ്സുമാരുടെ ആവശ്യം അംഗീകരിച്ച് പരുമല ആശുപത്രി, ശമ്പള വർധനവ് നടപ്പാക്കും; മാനേജ്മെന്റ് കമ്മിറ്റി യോഗത്തിൽ തീരുമാനം
