നിക്കോളാസ് മഡുറോയെ അമേരിക്ക ബന്ദിയാക്കിയതിന് പിന്നാലെ പ്രസിഡന്റിന്റെ ചുമതല വൈസ് പ്രസിഡന്റ് ഡെല്സി റോഡ്രിഗസിന്. വെനസ്വേലന് സുപ്രീം കോടതിയുടെ ഭരണഘടനാ ചേംബറാണ് ഇത് സംബന്ധിച്ച ഉത്തരവിറക്കിയത്. വൈസ് പ്രസിഡന്റ് സ്ഥാനത്തിന് പുറമേ ധനകാര്യ, എണ്ണ വകുപ്പുകള് കൈകാര്യം ചെയ്തിരുന്നത് ഡെല്സി റോഡ്രിഗസായിരുന്നു.
വെനസ്വേലന് നിയമത്തിലെ ആര്ട്ടിക്കിള് 233, 234 പ്രകാരം പ്രസിഡന്റിന്റെ ആഭാവത്തില് പകരം ചുമതല വൈസ് പ്രസിഡന്റിനാണ്. ഇതിന്റെ അടിസ്ഥാനത്തിലാണ് നടപടി. മഡൂറോയ്ക്കെതിരായ നടപടിക്ക് പിന്നാലെ ഡെല്സി റോഡ്രിഗസിന്റെ നേതൃത്വത്തില് ദേശീയ പ്രതിരോധ കൗണ്സില് യോഗം ചേര്ന്നിരുന്നു. മന്ത്രിമാരും മുതിര്ന്ന ഉദ്യോഗസ്ഥരും അടക്കം യോഗത്തില് പങ്കെടുത്തു. മഡൂറോയ്ക്കെതിരായ നടപടിയെ യോഗം ശക്തമായി അപലപിച്ചു. മഡുറോയെയും ഭാര്യ സീലിയ ഫ്ളോറസിനെയും ഉടന് വിട്ടയക്കണ് യോഗം ആവശ്യപ്പെട്ടിരുന്നു. അമേരിക്കന് നടപടി അന്താരാഷ്ട്ര നിയമത്തിനും രാജ്യത്തിന്റെ പരമാധികാരത്തിനും മേലുള്ള കടന്നുകയറ്റമാണെന്നും ഡെല്സി പറഞ്ഞിരുന്നു.
