ഉത്തരകൊറിയൻ നേതാവ് കിം ജോങ് ഉന്നിന്റെ പിൻഗാമിയാകാൻ ഒരുങ്ങുന്ന മകൾ ജു എ, മുൻ നേതാക്കൾക്ക് ആദരാഞ്ജലികൾ അർപ്പിക്കാൻ ആദ്യമായി കുംസുസാൻ ശവകുടീരത്തിൽ എത്തിയതായി റിപോർട്ടുകൾ.
ജനുവരി 1 ന് നടന്ന സന്ദർശനത്തിൽ കിമ്മിനൊപ്പം ഭാര്യ റി സോൾ ജുവിനും മുതിർന്ന ഉദ്യോഗസ്ഥർക്കും ഒപ്പമുണ്ടായിരുന്നു. പ്രധാന പരിപാടികളിൽ കിമ്മിനൊപ്പം ഭാര്യയെയും മകളെയും കാണിക്കുന്ന ചിത്രങ്ങൾ മാധ്യമങ്ങൾ പുറത്ത് വിട്ടിരുന്നു.
തന്റെ മുത്തച്ഛനും രാഷ്ട്ര സ്ഥാപകനുമായ കിം ഇൽ സുങ്ങിനെയും പിതാവ് കിം ജോങ് ഇല്ലിനെയും എല്ലാ വർഷവും ആദരിക്കുന്നതിനായി കിം കുംസുസാനിൽ സന്ദർശിക്കാറുണ്ട്. കഴിഞ്ഞ മൂന്ന് വർഷമായി ജു എയ് ഔദ്യോഗിക മാധ്യമങ്ങളിൽ കൂടുതൽ പ്രാധാന്യത്തോടെ പ്രത്യക്ഷപ്പെടുന്നുണ്ട്, ഇത് രാജ്യത്തിന്റെ നാലാം തലമുറ നേതാവാകാൻ സാധ്യതയുണ്ടെന്ന വിശകലന വിദഗ്ധരുടെയും ദക്ഷിണ കൊറിയൻ രഹസ്യാന്വേഷണ ഏജൻസിയുടെയും ഊഹാപോഹങ്ങൾക്ക് ആക്കം കൂട്ടി.
