അന്തരിച്ച മിമിക്രി താരം കൊല്ലം സുധിയുടെ ഭാര്യ എന്ന നിലയിൽ സോഷ്യൽ മീഡിയയിൽ ശ്രദ്ധ നേടിയ രേണു സുധിയ്ക്ക് ഇപ്പോൾ ആരാധകരേറെയാണ്. ബിഗ് ബോസിൽ നിന്ന് ആദ്യമേ പുറത്തിറങ്ങിയെങ്കിലും ഉദ്ഘാടനങ്ങളും അഭിനയവുമായി സജീവമാണ് രേണു. ബിഗ് ബോസ് മലയാളം സീസൺ തുടങ്ങുന്നതിനു മുൻപ് തന്നെ സാധ്യതാ പട്ടികയിൽ രേണു ഉണ്ടായിരുന്നു.
ഇപ്പോഴിതാ തന്റെ ജീവിതത്തിലെ വലിയൊരു നേട്ടം സ്വന്തമാക്കിയിരിക്കുകയാണ്. ബിഗ് ബോസില് നിന്ന് ഇറങ്ങിയ ശേഷം വിദേശത്ത് ഉള്പ്പെടെ ഉദ്ഘാടന പരിപാടികളുമായി തിരക്കിലാണ് രേണു. ഷോർട്ട്ഫിലിമു ഉദ്ഘാടനവുമെല്ലാമായി ഇന്ന് തെറ്റില്ലാത്ത വരുമാനം രേണു സുധി നേടുന്നുണ്ട്. സ്വന്തം വരുമാനത്തില് നിന്നും മിച്ചം പിടിച്ച് 15 ലക്ഷം രൂപയുടെ കാറാണ് രേണു ഇന്ന് സ്വന്തമാക്കിയത്.
മക്കളായ കിച്ചുവിനും റിതപ്പനും മാതാപിതാക്കള്ക്കും ഒപ്പമാണ് രേണു കാര് വാങ്ങാനായി പോയത്. കോട്ടയം ചെത്തിമറ്റത്തുള്ള ഷോറൂമില് നിന്നാണ് രേണു കാര് സ്വന്തമാക്കിയത്. കിച്ചുവാണ് പുതിയ കാറിന്റെ താക്കോല് ആദ്യം ഏറ്റുവാങ്ങിയത്. കാര് വാങ്ങിയതിന് പിന്നാലെ വിവാഹത്തെക്കുറിച്ച് ചില സൂചനകളും രേണു ഓണ്ലൈന് മാധ്യമങ്ങള്ക്ക് നല്കി.
