യുഎഇ: മലയാളികൾ യുഎഇയിലെ വിവിധ ലോട്ടറികളിൽ, പ്രത്യേകിച്ച് അബുദാബി ബിഗ് ടിക്കറ്റിൽ, പതിവായി ഭാഗ്യം പരീക്ഷിക്കാറുണ്ട്. യുഎഇയിലെ ഏറ്റവും വലിയ പ്രവാസി സമൂഹങ്ങളിലൊന്നായതിനാൽ, സംഘടിതമായി ടിക്കറ്റുകൾ എടുക്കുന്നതിൽ മലയാളികൾ മുൻപന്തിയിലാണ്. സുഹൃത്തുക്കളും സഹപ്രവർത്തകരും ഒരുമിച്ച് പണം ഷെയർ ചെയ്ത് ടിക്കറ്റ് എടുക്കുന്ന രീതി വളരെ സാധാരണയാണ്.

അതുകൊണ്ട് തന്നെ വർഷംതോറും നടക്കുന്ന മിക്ക വലിയ നറുക്കെടുപ്പുകളിലും ഒന്നാം സമ്മാനമോ, പ്രധാന സമ്മാനങ്ങളോ നേടുന്നവരിൽ ഭൂരിഭാഗവും മലയാളികൾ ഉൾപ്പെട്ട സംഘങ്ങളോ, വ്യക്തികളോ ആയിരിക്കും. യുഎഇയിൽ നിന്നുള്ളവർ മാത്രകമല്ല, മറ്റു ജിജിസി രാജ്യങ്ങളിൽ നിന്നുള്ള പ്രവാസികൾ തങ്ങളുടെ ഭാഗ്യം ഇത്തരത്തിൽ പരീക്ഷിക്കാറുണ്ട്.

കഴിഞ്ഞ ദിവസം നടന്ന അബുദാബി ബിഗ് ടിക്കറ്റ് നറുക്കെടുപ്പിൽ 25 മില്യൻ ദിർഹമിന്റെ ഒന്നാം സമ്മാനം സ്വന്തമാക്കിയത് സൗദി അറേബ്യയിൽ നിന്നുള്ള മലയാളി പ്രവാസിയാണ്. സൗദിയിൽ ക്വാളിറ്റി കൺട്രോൾ സൂപ്പർവൈസർ ആയി ജോലി ചെയ്യുന്ന രാജൻ പി.വി ആണ് സമ്മാനം സ്വന്തമാക്കിയിരിക്കുന്നത്. നവംബർ 9ന് വാങ്ങിയ 282824 എന്ന ടിക്കറ്റ് നമ്പറിനാണ് സമ്മാനം ലഭിച്ചത്.

സമ്മാനം ലഭിച്ച വിവിരം അറിയിക്കാൻ വേണ്ടി റിച്ചാർഡ് വളിച്ചപ്പോൾ അദ്ദേഹത്തിന് വിശ്വസിക്കാൻ സാധിച്ചില്ല. 52 വയസ്സുള്ള രാജൻ പി.വി 15 വർഷമായി തന്റെ ഭാഗ്യം പരീക്ഷിച്ചു വരികയായിരുന്നു. ലൈവ് ഷോ കാണുന്നുണ്ടായിരുന്നില്ലെന്നും ദെെവത്തിന് നന്ദി എന്നും രാജൻ പി.വി ആദ്യ പ്രതികരണം നടത്തി.

കഴിഞ്ഞ 30 വർഷമായി കുടുംബത്തോടൊപ്പം സൗദി അറേബ്യയിൽ താമസിക്കുന്ന ഒരു മലയാളിയാണ് രാജൻ. സുഹൃത്തുക്കളുമായി ചേർന്നാണ് പതിവായി ടിക്കറ്റ് എടുക്കുന്നത്. 16 പേർ അടങ്ങുന്ന ഇവർ സ്ഥിരമായി ഭാഗ്യം പരീക്ഷിക്കാറുണ്ട്. പതിവായി ലൈവ് നറുക്കെടുപ്പുകൾ കാണുകയും വാർത്തകളിൽ സമ്മാന ജേതാക്കളുടെ കഥകൾ വായിക്കുകയും ചെയ്യും അത് തനിക്ക് ടിക്കറ്റ് എടുക്കാൻ ഒരു വലിയ പ്രചേദനമായെന്ന് രാജൻ പറയുന്നു.

സമ്മാനത്തുക സുഹൃത്തുക്കളുമായി പങ്കുവെക്കും. തന്റെ പങ്കിൽ നിന്ന് ആദ്യം ഒരു ഭാഗം ചാരിറ്റി നൽകാൻ ആണ് ഉദ്യോശിക്കുന്നത്. കുടുംബത്തിനായി എന്തെങ്കിലും ചെയ്യാൻ ഒരു പങ്ക് മാറ്റിവെക്കും എന്നും രാജൻ കൂട്ടിചേർത്തു. ഈ വലിയ സമ്മാനം ലഭിച്ചിട്ടും, രാജൻ ബിഗ് ടിക്കറ്റ് വാങ്ങുന്നത് തുടരാൻ തന്നെയാണ് തീരുമാനിച്ചിരിക്കുന്നത്. ടിക്കറ്റ് എടുത്ത് അടിക്കാത്തവരോട് എനിക്ക് പറയാനുള്ളത് ‌ ഒരിക്കലും പ്രതീക്ഷ കൈവിടരുത് . ഇന്ന് നിങ്ങളുടെ ഊഴമയിരിക്കില്ല പക്ഷേ നാളെ അത് നിങ്ങടേതായിരിക്കും. നിങ്ങളുടെ ഭാഗ്യം പരീക്ഷിച്ചുകൊണ്ടിരിക്കുക; നിങ്ങളുടെ നിമിഷം എപ്പോഴാണ് വരുന്നതെന്ന് ഒരിക്കലും പറായാൻ കഴിയില്ലെന്ന് രാജർ പറഞ്ഞു.