നേപ്പാളില് വീണ്ടും ജെന് സീ പ്രതിഷേധം. സെപ്റ്റംബറില് രാജ്യത്തെ പിടിച്ച് കുലുക്കിയ പ്രക്ഷോഭത്തിന് പിന്നാലെയാണ് പുതിയ പ്രതിഷേധം. നേപ്പാളിലെ കമ്മ്യൂണിസ്റ്റ് പാര്ട്ടി പ്രവര്ത്തകര്ക്കെതിരെയാണ് പ്രതിഷേധം. സിമാരാ വിമാനത്താവളത്തിന് സമീപത്താണ് ജെന് സീ പ്രതിഷേധം ആരംഭിച്ചത്.
സര്ക്കാരിനെതിരായ പ്രതിഷേധ പരിപാടിയില് പങ്കെടുക്കാനെത്തിയ കമ്മ്യൂണിസ്റ്റ് നേതാക്കളെ പ്രതിഷേധക്കാര് തടയാന് ശ്രമിച്ചിരുന്നു. ശങ്കര് പൊഖാറല്, മഹേഷ് ബസ്നെറ്റ് എന്നീ നേതാക്കളെ പ്രതിഷേധക്കാര് സിമാരാ വിമാനത്താവളത്തില് വെച്ച് തടയാന് ശ്രമിച്ചതാണ് സംഘര്ഷത്തിലേക്ക് നയിച്ചത്. കാഠ്മണ്ഡുവില് നിന്ന് സിമാരയിലേക്കാണ് ഇരു നേതാക്കളും പുറപ്പെട്ടത്. ഇവരെ തടയുന്നതിനായി എത്തിയ ജെന് സീകളും സിപിഎന്-യുഎംഎല് പ്രവര്ത്തകരും തമ്മില് ഏറ്റുമുട്ടുകയായിരുന്നു.
