തെരഞ്ഞെടുപ്പ് പെരുമാറ്റച്ചട്ടം ചൂണ്ടിക്കാട്ടിയാണ് നിയന്ത്രണം. നിയന്ത്രണത്തിന്റെ പശ്ചാത്തലത്തില്‍ മന്ത്രിക്ക് യോഗങ്ങള്‍ വിളിക്കാനോ മാധ്യമങ്ങളില്‍ പ്രതികരിക്കാനോ സാധിക്കില്ല. രണ്ടു ദിവസം മുൻപാണ് ശബരിമലയുമായി ബന്ധപ്പെട്ട് യോഗം വിളിക്കുന്നതിന് മന്ത്രി വി എൻ വാസവൻ സംസ്ഥാന തെരഞ്ഞെടുപ്പ് കമ്മീഷന്റെ അനുമതി തേടിയത്.
ശബരിമലയില്‍ വൻ ഭക്തജന തിരക്കാണ് മണ്ഡലകാലത്തിന്റെ ആരംഭദിവസങ്ങളില്‍ തന്നെ അനുഭവപ്പെടുന്നത്. തെരഞ്ഞെടുപ്പ് പെരുമാറ്റച്ചട്ടം നിലനില്‍ക്കുന്നത് കൊണ്ട് ഈ വിഷയത്തില്‍ മന്ത്രിക്ക് യോഗം വിളിക്കാനോ മാധ്യമങ്ങളോട് സംസാരിക്കാനോ സാധിക്കില്ല.
അതിനിടെ തിരക്കേറിയ തീർത്ഥാടനം സമയത്ത് അപ്പാച്ചിമേട് ഭാഗത്ത് കുഴഞ്ഞുവീണ കോഴിക്കോട് കൊയിലാണ്ടി സ്വദേശിയായ സതി (58) മരിച്ചു. മലകയറുന്നതിനിടെ അസ്വസ്ഥത അനുഭവപ്പെട്ടതിനെത്തുടർന്നാണ് വീഴുന്നത്. മെഡിക്കല്‍ ടീമിന്റെ ശ്രമങ്ങള്‍ഫലിക്കാതെ സതിയുടെ ജീവൻ രക്ഷിക്കാനായില്ല.
