ബ്രിസ്ബേൻ: ഇന്ത്യ-ഓസ്ട്രേലിയ അഞ്ചാം ടി20 മത്സരം മഴയത്തെ തുടർന്ന് ഉപേക്ഷിച്ചു. ടോസ് നഷ്ടപ്പെട്ട് ആദ്യം ബാറ്റ് ചെയ്യാൻ ഇറങ്ങിയ ഇന്ത്യ 4.5 ഓവറിൽ വിക്കറ്റ് നഷ്ടമില്ലാതെ 52 റൺസെടുത്തു നിൽക്കുമ്പോഴാണ് മഴയെത്തിയത്. 13 പന്തിൽ 23 റൺസുമായി അഭിഷേക് ശർമയും 16 പന്തിൽ 29 റൺസുമായി ശുഭ്മാൻ ഗില്ലുമായിരുന്നു ക്രീസിൽ.
പിന്നീട് മഴ ഒഴിയാതിരുന്നതോടെ മത്സരം ഉപേക്ഷിക്കാൻ മാച്ച് റഫറി തീരുമാനിക്കുകയായിരുന്നു. ഇതോടെ 2-1ന് ഇന്ത്യ പരമ്പര വിജയം നേടി. അഞ്ച് മത്സര പരമ്പരയിലെ ആദ്യ മത്സരവും മഴയെത്തുടർന്ന് ഉപേക്ഷിച്ചിരുന്നു. രണ്ടാം ടി20യിൽ ഓസ്ട്രേലിയ വിജയിച്ചപ്പോൾ മൂന്നും നാലും മത്സരങ്ങൾ പിടിച്ച് ഇന്ത്യ തിരിച്ചടിച്ചു.
