2011 ലെ മുംബൈ സ്ഫോടന കേസിൽ ഭീകരൻ യാസിൻ ഭട്കലിന്റെ അടുത്ത അനുയായി കഫീൽ അഹമ്മദ് മുഹമ്മദ് അയൂബിന് ബോംബെ ഹൈക്കോടതി ജാമ്യം അനുവദിച്ചു. ബിഹാറിലെ ദർഭംഗ സ്വദേശിയായ അയൂബിനെ 2012 ലാണ് ഡൽഹി പോലീസ് സ്പെഷ്യൽ സെൽ അറസ്റ്റ് ചെയ്യുന്നത്. ശേഷം മഹാരാഷ്ട്ര തീവ്രവാദ വിരുദ്ധ സ്ക്വാഡിന് (എടിഎസ്) കൈമാറുന്നതിന് മുമ്പ് കസ്റ്റഡിയിലെടുത്തിരുന്നു.
2011 ജൂലൈ 13 ന് മുംബൈയിലെ ഓപ്പറ ഹൗസ്, സാവേരി ബസാർ, ദാദർ കബൂതർഖാന എന്നിവിടങ്ങളിൽ നടന്ന മൂന്ന് ഏകോപിത സ്ഫോടനങ്ങളിൽ 27 പേർ കൊല്ലപ്പെടുകയും 100 ലധികം പേർക്ക് പരിക്കേൽക്കുകയും ചെയ്തു. 2012 ജനുവരി മുതൽ മാർച്ച് വരെ നഖി ഷെയ്ഖ്, നദീം അക്തർ ഷെയ്ഖ്, കൻവർണൈൻ പത്രേജ, ഹാരൂൺ റഷീദ് നായിക്, പിന്നീട് അയൂബ് എന്നിവരുൾപ്പെടെ നിരവധി പ്രതികളെ എടിഎസ് അറസ്റ്റ് ചെയ്തു.
