ബിഗ് ബോസ് മലയാളം സീസണ് 7 ആവേശകരമായ ക്ലൈമാക്സിലേക്ക് അടുക്കുമ്പോൾ മത്സരാർഥികളെയും പ്രേക്ഷകരെയും ഒരുപോലെ ഞെട്ടിച്ച് ഒരാൾ പുറത്തേക്ക്. ഒമ്പത് പേര് ഉണ്ടായിരുന്ന കഴിഞ്ഞ വാരം രണ്ട് പേര് ഒഴികെ മറ്റെല്ലാവരും നോമിനേഷനില് ഉള്പ്പെട്ടിരുന്നു. ആദിലയും ഷാനവാസും മാത്രമാണ് നോമിനേഷനില് ഉള്പ്പെടാതിരുന്നത്. അനീഷ്, സാബുമാന്, നൂറ,ആര്യന്, അനുമോള്, അക്ബര്, നെവിന് എന്നിവരിൽ നിന്ന് ആര്യനെയാണ് പുറത്താക്കിയത്. അവിശ്വസനീയതയോടെയാണ് സഹമത്സരാര്ഥികള് ആര്യന്റെ എവിക്ഷൻ പ്രഖ്യാപനം കേട്ടത്.
നേരത്തെ നോമിനേഷന് ലിസ്റ്റിൽ നിന്ന് അനുമോളെയാണ് മോഹന്ലാല് ആദ്യം സേവ്ഡ് ആക്കിയത്. പ്രേക്ഷകവിധി പ്രകാരം അനുമോള് സേവ്ഡ് ആണെന്ന കാര്യം അദ്ദേഹം അറിയിച്ചു. പിന്നാലെ സാബുമാന്, അനീഷ്, നൂറ, അക്ബര് എന്നിവരും ഈ ആഴ്ച സുരക്ഷിതരാണെന്ന് മോഹന്ലാല് അറിയിച്ചു. ഏറ്റവുമൊടുവിൽ നെവിനും ആര്യനും അവശേഷിച്ചു.
പക്ഷേ ഷാനവാസിനെതിരായ പെരുമാറ്റത്തെ തുടർന്ന് ഈ ആഴ്ച പുറത്താകുമെന്ന് ഉറപ്പിച്ച നെവിൻ സേവ്ഡ് ആണെന്ന കാർഡ് മോഹൻലാൽ ഉയർത്തി. തന്റെ കൈയിലുണ്ടായിരുന്ന രണ്ടാമത്തെ കാര്ഡും മോഹന്ലാല് ഉയര്ത്തി കാണിച്ചു. ആര്യന് എവിക്റ്റഡ് എന്നായിരുന്നു അതില് ഉണ്ടായിരുന്നത്. ആര്യന് തന്റെ അടുത്തേക്ക് വരാമെന്നും മോഹന്ലാല് തുടര്ന്ന് പറഞ്ഞു.
