ദുബായ്: യുഎഇയിൽ ഒരു സ്വപ്ന ഭവനം സ്വന്തമാക്കാൻ താത്പര്യപ്പെടുന്നവരാണോ നിങ്ങൾ? എങ്കിൽ ഇതാണ് ആ മികച്ച സമയം. യുഎഇയിലെ പ്രോപ്പർട്ടി മാർക്കറ്റ് വളരെ ആകർഷകമാണ്. മലയാളികൾ ഉൾപ്പെടെയുള്ള നിരവധി പ്രവാസികളുടെ ലക്ഷ്യം എന്നത് യുഎഇയിൽ ഒരു വീടാണ്. കാരണം ഇതും ഒരു നിക്ഷേപമായാണ് പലരും കാണുന്നത്.
കാരണം നിങ്ങൾ അറിഞ്ഞിരിക്കേണ്ടതും അതുപോലെ നിങ്ങളുടെ ബജറ്റിൽ നിർബന്ധമായും ഉൾപ്പെടുത്തേണ്ടതുമായ ചില അധിക ചെലവുകൾ കൂടെ യുഎഇയിലുണ്ട്. കൂടാതെ ഈ മറഞ്ഞിരിക്കുന്ന ചെലവുകൾ മുൻകൂട്ടി മനസ്സിലാക്കുന്നത് സാമ്പത്തിക നേട്ടമുണ്ടാകുകയും ഒപ്പം വീട് വാങ്ങിക്കൽ പ്രക്രിയ സുഗമമാക്കുകയും ചെയ്യുന്നു
ഒരു വസ്തു വാങ്ങാൻ തീരുമാനിക്കുമ്പോൾ, നിങ്ങൾ ആദ്യം ബജറ്റിൽ ഉൾപ്പെടുത്തേണ്ടത് സെക്യൂരിറ്റി ഡെപ്പോസിറ്റാണ്. ഇത് സാധാരണയായി വാങ്ങൽ വിലയുടെ 10 ശതമാനം വരും. നിങ്ങളുടെ വാങ്ങൽ ഉറപ്പിക്കാനും വിൽപന കരാറിലെ വ്യവസ്ഥകൾ പാലിക്കാനും വേണ്ടിയുള്ള ഒരു നിക്ഷേപമായാണ് ഇതിന്റെ കണക്കാക്കുന്നത്.
കൂടാതെ ഈ തുക ഒരു എസ്ക്രോ സംവിധാനത്തിലാണ് സൂക്ഷിക്കുന്നത്. അതായത് വസ്തുവിന്റെ വിൽപ്പനക്കാരനോ വാങ്ങുന്നയാൾക്കോ നേരിട്ടല്ലാതെ ഒരു മൂന്നാം കക്ഷി, സാധാരണയായി ഒരു റിയൽ എസ്റ്റേറ്റ് ഏജന്റ് ആയിരിക്കും, അദ്ദേഹം ഈ തുക കൈവശം വയ്ക്കുകയും. ഇടപാട് വിജയകരമായി പൂർത്തിയാകുമ്പോൾ ഈ തുക വാങ്ങുന്നയാൾക്ക് തിരികെ നൽകുകയും ചെയ്യുന്നു.
യുഎഇയിലെ ഏറ്റവും പ്രധാനപ്പെട്ട സർക്കാർ ചാർജുകളിൽ ഒന്നാണ് ദുബായ് ലാൻഡ് ഡിപ്പാർട്ട്മെന്റ് ഫീസുകൾ. അതായത്c ഒരു വസ്തുവിന്റെ ഉടമസ്ഥാവകാശം കൈമാറ്റം ചെയ്യപ്പെടുന്നതിന് ഈ ഫീസ് നിർബന്ധമാണ്. അല്ലാത്തപക്ഷ ഒരു ഇടപാടുകളും അനുവദിക്കില്ല.
വസ്തുവിന്റെ വാങ്ങൽ വിലയുടെ 4 ശതമാനമാണ് ദുബായ് ലാൻഡ് ഡിപ്പാർട്ട്മെന്റ് ഫീസ് വരുന്നത്.
കൂടാതെ ചില അഡ്മിനിസ്ട്രേറ്റീവ് ഫീസുകളും ഉണ്ടാകും. കൂടാതെ വസ്തുവിന്റെ മൂല്യം അനുസരിച്ചുള്ള പ്രോപ്പർട്ടി രജിസ്ട്രേഷൻ ഫീസ് ഒരു അധിക ചെലവായി മാറുന്നു. 500,000 ദിർഹത്തിന് മുകളിലുള്ള പ്രോപ്പർട്ടികൾക്ക് സാധാരണയായി 4,000 ദിർഹവും വാറ്റും ആയിരിക്കും ഈടാക്കുക. കൂടാതെ ഓഫ് പ്ലാൻ പ്രോപ്പർട്ടികൾ വാങ്ങുമ്പോൾ ഒഖൂദ് രജിസ്ട്രേഷനായി 40 ദിർഹവും നൽകണം.
മോർട്ട്ഗേജ് ഉപയോഗിച്ച് വീട് വാങ്ങുന്ന പ്രവാസികൾക്ക് ബാങ്കുമായി ബന്ധപ്പെട്ട അധിക ചെലവുകൾ ഉണ്ടാകും. അതായത് വാങ്ങുന്ന വിലയുടെ 20% എങ്കിലും ഡൗൺ പേയ്മെന്റ് ആയി നൽകേണ്ടി വരും. കൂടാതെ ബാങ്കിന്റെ മോർട്ട്ഗേജ് അറേഞ്ച്മെന്റ് ഫീസ് , ബാങ്കിന്റെ വാല്യുവേഷൻ ഫീസ്, എന്നിവയും ബജറ്റിൽ ഉൾപ്പെടുത്തണം.
ഈ ഏജൻസി ഫീസ് എന്നത് സാധാരണയായി വാങ്ങൽ വിലയുടെ 2 ശതമാനവും വാറ്റും ആണ്. കൂടാതെ ശരിയായ വിലയിൽ വസ്തു വാങ്ങാൻ, പ്രാദേശിക വിപണിയെക്കുറിച്ച് അറിയുന്ന ഒരു കമ്മ്യൂണിറ്റി സ്പെഷ്യലിസ്റ്റ് ഏജന്റിനെ തിരഞ്ഞെടുക്കുന്നത് നല്ലതായിരിക്കും. ഈ കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്.
വസ്തുവിന്റെ ഉടമസ്ഥാവകാശം ലഭിച്ച ശേഷം, നിങ്ങൾ വർഷം തോറും നൽകേണ്ട ഒരു ചെലവാണ് സേവന നിരക്കുകൾ. റെസിഡൻഷ്യൽ, കൊമേഴ്സ്യൽ, അപ്പാർട്ട്മെന്റുകൾ, വില്ലകൾ എന്നിവ ഉൾപ്പെടെ ദുബായിലെ എല്ലാ പ്രോപ്പർട്ടികൾക്കും ഈ നിയമം ബാധകമാണ്. കെട്ടിടത്തിന്റെയും പൊതു സൗകര്യങ്ങളുടെയും maintainans ഫീസ് ആയി ഇത് ഈടാക്കുന്നു. കൂടാതെ ഈ നിരക്ക് ചതുരശ്ര അടി അടിസ്ഥാനമാക്കിയാണ് കണക്കാക്കുന്നത്. സർവീസ് ചാർജ് കാൽക്കുലേറ്റർ ഉപയോഗിച്ച് നിങ്ങളുടെ പ്രോപ്പർട്ടിക്കുള്ള കൃത്യമായ നിരക്കുകൾ മുൻകൂട്ടി മനസ്സിലാക്കാനും സാധിക്കും.
