ദീപാവലിആഘോഷത്തിന് ഡൽഹി-എൻസിആറിൽ ഹരിത പടക്കങ്ങൾ പൊട്ടിക്കാൻ സുപ്രീം കോടതിയുടെ അനുമതി. NEERI (നാഷണൽ എൻവയോൺമെന്റൽ എഞ്ചിനീയറിംഗ് റിസർച്ച് ഇൻസ്റ്റിറ്റ്യൂട്ട്) സാക്ഷ്യപ്പെടുത്തിയ ഹരിത പടക്കങ്ങൾ വിൽക്കാനും ഉപയോഗിക്കാനും മാത്രമാണ് അനുവാദം. പടക്കങ്ങൾ ഉപയോഗിക്കാനുള്ള അനുമതി ഒക്ടോബർ 18 മുതൽ 21 വരെ മാത്രമേ സാധുതയുള്ളൂ.
ഈ കാലയളവിനു ശേഷവും ഈ പടക്കങ്ങളുടെ വിൽപ്പനയ്ക്കുള്ള നിരോധനം തുടരുമെന്നും നിയമങ്ങൾ ലംഘിക്കുന്ന നിർമ്മാതാക്കൾക്കും വിൽപ്പനക്കാർക്കുമെതിരെ കർശന നടപടി സ്വീകരിക്കുമെന്നും കോടതി വ്യക്തമാക്കി.
