ബിഗ് ബോസ് മലയാളത്തിലെ ഇന്നത്തെ എപ്പിസോഡിൽ മൊത്തം ടാസ്കുകളായിരുന്നു. തുടക്കം മോഷണത്തിലായിരുന്നെങ്കിലും പിന്നാലെ ഒന്നിനു പിറകെ ഒന്നായി എത്തിയത് ടാസ്കുകളാണ്. ഇപ്പോൾ എല്ലാ ദിവസവും ബിഗ് ബോസ് വീട്ടിൽ സാധനങ്ങൾ മോഷണം പോകുന്നുണ്ട്. ഇന്നും മോഷണത്തിൽ തന്നെയാണ് തുടക്കം.
ഇന്നലെ ഉപയോഗിച്ച ശേഷം ബാക്കിവെച്ചിരുന്ന ഓറഞ്ചുകളാണ് മോഷണം പോയത്. ആകെയുണ്ടായിരുന്ന 31 ഓറഞ്ചുകളിൽ 18 മത്സ രാർത്ഥികൾക്കും ഓരോന്ന് എന്ന കണക്കിന് ഇന്നലെ ഉപയോഗിച്ചിരുന്നു. എന്നാൽ ഇന്ന് അവയിൽ എട്ടെണ്ണം കാണാതെപോയി. ഇതിനെ അപ്പാനി ശരത്തും സംഘവും ചോദ്യം ചെയ്തതോടെ ഷാനവാസ് ഏറ്റെടുത്ത് തർക്കമായി. ഇതിൽ ഒരെണ്ണം താൻ എടുത്താണെന്നും ഓറഞ്ച് മോഷണത്തെ ചോദ്യം ചെയ്യുകയാണെങ്കിൽ കഴിഞ്ഞ ദിവസങ്ങളിലെ ചീസ് ഉൾപ്പടെയുള്ള സാധനങ്ങളുടെ മോഷണത്തെക്കുറിച്ചും പറയണമെന്നായിരുന്നു ഷാനവാസിൻ്റെ ആവശ്യം. എന്നാൽ ഓറഞ്ച് എടുത്തതിനെക്കുറിച്ച് ആരും തന്നെ പിന്നീട് പറഞ്ഞില്ല. പിന്നാലെ വീട്ടിൽ ടാസ്ക്കുകൾക്ക് തുടക്കമായി.
