വോട്ടർപ്പട്ടിക ക്രമക്കേട് ആരോപണങ്ങള്ക്കിടെയാണ് കേന്ദ്രമന്ത്രി സുരേഷ് ഗോപി തൃശ്ശൂരിലെത്തിയത്. വോട്ടർപട്ടിക ക്രമക്കേടുമായി ബന്ധപ്പെട്ട ചോദ്യങ്ങൾക്ക് സുരേഷ് ഗോപി മാധ്യമങ്ങളോട് കഴിഞ്ഞ രണ്ട് ദിവസമായി മിണ്ടിയിരുന്നില്ല. ഒടുവിൽ അദ്ദേഹം മൗനം വെടിഞ്ഞു ‘ഇത്രത്തോളം സഹായിച്ചതിന് നന്ദി’യെന്ന് മാത്രം പറഞ്ഞു.
വോട്ട് ക്രമക്കേട് ആരോപണങ്ങളിലടക്കം മാധ്യമപ്രവര്ത്തകരുടെ ഒരു ചോദ്യത്തിനും സുരേഷ് ഗോപി പ്രതികരിച്ചില്ല. ഒടുക്കം സഹായിച്ചതിന് നന്ദിയെന്ന് മാത്രം പറഞ്ഞ് ഒറ്റവരിയില് മാധ്യമങ്ങളെ പരിഹസിക്കുകയാണ് ചെയ്തത്. റെയില്വേ സ്റ്റേഷനില് നിന്നും ആദ്യം പോയത് അശ്വിനി ആശുപത്രിയിലേക്കായിരുന്നു.
കഴിഞ്ഞ ദിവസം സിപിഐഎം പ്രവര്ത്തകരുമായി ഉണ്ടായ സംഘര്ഷത്തില് പരിക്കേറ്റ ബിജെപി പ്രവര്ത്തകരെ സന്ദര്ശിക്കാനായിരുന്നു ആശുപത്രിയിലെത്തിയത്. ഈഘട്ടത്തിലായിരുന്നു പ്രതികരണം. ബിജെപി നേതാവ് ബി ഗോപാലകൃഷ്ണനും ഒപ്പമുണ്ടായിരുന്നു.
