പഹൽഗാമിലെ ഭീകരാക്രമണമാണ് ഇന്ത്യയുടെ ഓപ്പറേഷൻ സിന്ദൂരിന് കാരണമായതെന്ന് ഓപ്പറേഷൻ സിന്ദൂരിനെക്കുറിച്ച് യുഎസിലേക്കുള്ള സർവകക്ഷി സംഘത്തെ നയിക്കുന്ന കോൺഗ്രസ് നേതാവ് ശശി തരൂർ പറഞ്ഞു. പനാമയിലെ ഇന്ത്യൻ സമൂഹത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം. ഭീകരർ ഭാര്യമാരുടെ മുന്നിൽ ഭർത്താക്കൻമാരെ എങ്ങനെ കൊലപ്പെടുത്തിയെന്നും മറ്റുള്ളവരോട് ഇതിനെക്കുറിച്ച് പറയാൻ പറഞ്ഞെന്നും തരൂർ സംസാരിച്ചു.
തീവ്രവാദികൾ തുടച്ചുമാറ്റിയ ഈ സ്ത്രീകളുടെ സിന്ദൂരത്തിന്റെ നിറം അവരുടെ രക്തത്തിന്റെ നിറവുമായി പൊരുത്തപ്പെടുത്താൻ ഇന്ത്യ തീരുമാനിച്ചു, തരൂർ പറഞ്ഞു.
“ചില സ്ത്രീകൾ നിലവിളിച്ചു. എന്നെയും കൊല്ലൂ എന്ന് അവർ പറഞ്ഞു, ‘വേണ്ട, തിരിച്ചു പോകൂ, നിങ്ങൾക്ക് എന്താണ് സംഭവിച്ചതെന്ന് പറയൂ’. ഞങ്ങൾ കേട്ടു, അവരുടെ നിലവിളികൾ ഞങ്ങൾ കേട്ടു, സിന്ദൂരത്തിന്റെ നിറം, നമ്മുടെ സ്ത്രീകളുടെ നെറ്റിയിലെ സിന്ദൂരം, കൊലയാളികളുടെയും കുറ്റവാളികളുടെയും ആക്രമണകാരികളുടെയും രക്തത്തിന്റെ നിറവുമായി പൊരുത്തപ്പെടണമെന്ന് ഇന്ത്യ തീരുമാനിച്ചു…” പനാമയിലെ ഇന്ത്യൻ സമൂഹത്തെ അഭിസംബോധന ചെയ്തുകൊണ്ട് അദ്ദേഹം പറഞ്ഞു.
