ദുബായ്: വർധിച്ചുവരുന്ന ജനസംഖ്യയും പുതിയ റെസിഡൻസി സ്കീമുകളും സർക്കാർ നയങ്ങളും കാരണം സ്ഥിരമായി തുടരുമെന്ന് ഒരു പ്രമുഖ വ്യവസായ ഉദ്യോഗസ്ഥൻ പറഞ്ഞതായി ഖലീജ് ടെെംസ് റിപ്പോർട്ട് ചെയ്യുന്നു. ദുബായ് ഹോൾഡിംഗ് അസറ്റ് മാനേജ്മെൻ്റ് ഗ്രൂപ്പ് സിഇഒ മലേക് അൽ മലേക്, വാടക വിപണിയിൽ സ്ഥിരതയുണ്ടെന്നും പുതിയ റെസിഡൻഷ്യൽ യൂണിറ്റുകൾ ധാരാളമായി ഉണ്ടായിട്ടും, ജനസംഖ്യാ വർധനവ് മൂലം വീട്കൾക്ക് എപ്പോഴും ആവശ്യക്കാരുണ്ടെന്നും അദ്ദേഹം ചൂണ്ടിക്കാട്ടുന്നു.
ദുബായ് ഹോൾഡിംഗ് അസറ്റ് മാനേജ്മെൻ്റിൻ്റെ പോർട്ട്ഫോളിയോയിൽ 35,700 റെസിഡൻഷ്യൽ യൂണിറ്റുകളുണ്ട്. ഇത് 21 കമ്മ്യൂണിറ്റികളിലായി 140,000-ൽ അധികം താമസക്കാർക്ക് അവസരം നൽകുന്നു. കഴിഞ്ഞ നാല് വർഷത്തിനിടയിൽ പ്രോപ്പർട്ടി വിലയിലും വാടകയിലും വലിയ വർധനവുണ്ടായി. ഇപ്പോൾ വിപണി സ്ഥിരത കൈവരിക്കുകയാണെന്ന് വ്യവസായ രംഗത്തെ വിദഗ്ധർ പറയുന്നു. വളർച്ചയുടെ വേഗത ഇരട്ട അക്കത്തിൽ നിന്ന് ഏക അക്കത്തിലേക്ക് മാറുന്നതാണ് ഇതിന് കാരണം. എങ്കിലും, ചില വ്യവസായ വിദഗ്ധർ വരും വർഷങ്ങളിൽ വാടകയിൽ 10-20 ശതമാനം വരെ കുറവുണ്ടാകുന്നത് നല്ലതാണെന്ന് അഭിപ്രായപ്പെടുന്നു. ഇത് താമസക്കാർക്ക് താങ്ങാനാവുന്ന നിരക്കിൽ നിലനിർത്താൻ സഹായിക്കും.
“ജനസംഖ്യാ വർധനവ്, ശക്തമായ സാമ്പത്തിക കാഴ്ചപ്പാട്, വൈവിധ്യവൽക്കരണം, വിസ സ്കീമുകൾ, ടാലന്റ് ആകർഷണം, എളുപ്പത്തിൽ ബിസിനസ് ചെയ്യാനുള്ള സൗകര്യം എന്നിവയെല്ലാം അനുകൂല ഘടകങ്ങളാണ്. ദുബായിയെ പോലുള്ള ഒരു നഗരത്തിലെ വാടക വിപണിയിൽ തകർച്ചയുടെ ഒരു കാലചക്രം ഉണ്ടാകാൻ സാധ്യതയില്ലെന്നാണ് ഈ രംഗത്തെ വിദഗ്ർ അഭിപ്രായപ്പെടുന്നത്. നിരവധി ഉയർച്ച താഴ്ചകൾ കാണാം. എന്നാൽ റിയൽ എസ്റ്റേറ്റ് റെസിഡൻഷ്യൽ മേഖലയിൽ വലിയ താഴ്ച കാണാൻ സാധിക്കുന്നില്ല. പുതിയ വീടുകൾ ധാരാളമായി വരുന്നുണ്ട് അതിന് അനുസരിച്ച് ആവശ്യക്കാരുണ്ട്.
റിയൽ എസ്റ്റേറ്റ് മേഖലയിലെ വിദഗ്ധരുടെ അഭിപ്രായത്തിൽ, കഴിഞ്ഞ നാല് വർഷത്തിനിടയിൽ വാടക നിരക്കുകൾ കുത്തനെ ഉയർന്നു. ഇപ്പോൾ ഈ വളർച്ചയുടെ വേഗം കുറഞ്ഞിട്ടുണ്ട്. അതിനാൽ വിപണി ഒരു സ്ഥിരതയിലേക്ക് എത്തുകയാണ്. ചില വിദഗ്ധർ പറയുന്നത് വാടക നിരക്കുകൾ 10-20% വരെ കുറയുന്നത് നല്ലതാണ്. ഇത് സാധാരണക്കാർക്ക് താങ്ങാനാവുന്ന വിലയിൽ എത്താൻ സഹായിക്കും. ആഗോള വ്യാപാര യുദ്ധം ദുബായിലെ റിയൽ എസ്റ്റേറ്റ് വിപണിയിൽ വലിയ പ്രശ്നങ്ങൽ സൃഷ്ട്ടിക്കില്ലെന്നാണ് കണ്ടെത്തൽ.
അവസാനമായി 2024 ൽ ആണ് വാടക നിരക്കിൽ ദുബായിൽ കാര്യമായ വർദ്ധനവ് ഉണ്ടായത്. ആഢംബര വില്ലകൾക്കും അപ്പാർട്ടുമെന്റുകൾക്കുമാണ് പ്രധാനമായും വില കൂടിയത്. എന്നാൽ 2025 ൽ ഈ വർദ്ധനവിന്റെ വേഗത കുറഞ്ഞേക്കാം എന്ന് പുതിയ റിപ്പോർട്ടുകൾ സൂചിപ്പിക്കുന്നു. ചില പ്രദേശങ്ങളിൽ വാടക നിരക്ക് സ്ഥിരത കൈവരിക്കുന്നതായും കാണുന്നു. എല്ലാ സ്ഥലങ്ങളിലും വാടക കുറയില്ല. എന്നാൽ പല സ്ഥലങ്ങളിലും വാടകയിൽ ഒരു സ്ഥിരത കെെവരിക്കാൻ സാധിക്കും. നഗരത്തിന്റെ പ്രധാനപ്പെട്ട ഭാഗങ്ങളിൽ വാടയിൽ ചെറിയ വിത്യാസങ്ങൾ വന്നേക്കാം. എന്നാൽ മിക്ക സ്ഥലങ്ങളിലും സ്ഥിരത കെവരിക്കാൻ തന്നെയാണ് സാധ്യത. യുഎഇയിലെ പ്രവാസികൾക്ക് വാടക നിരക്കുകൾ ഒരു പ്രധാന സാമ്പത്തിക വിഷയമാണ്. വാടക വർധിക്കുന്നത് അവരുട മാസ ബജറ്റിനെ താളം തെറ്റിക്കും. നിൽക്കുന്ന സ്ഥലങ്ങളിൽ വാടക വർധിപ്പിച്ചാൽ താങ്ങാവുന്ന വാടകയുള്ള സ്ഥലത്തേക്ക് മാറുകയാണ് സാധാരണയായി പ്രവാസികൾ ചെയ്യുന്നത്.
