പരിഭ്രാന്തി ഉയർത്തി കോഴിക്കോട് മെഡിക്കൽ കോളേജ് കെട്ടിടത്തിൽ വീണ്ടും പുക. അത്യാഹിത വിഭാഗത്തിലെ ആറാം നിലയിൽ നിന്നാണ് പുക ഉയര്ന്നത്. കഴിഞ്ഞ ദിവസത്തെ പൊട്ടിത്തെറി സംബന്ധിച്ച് ഇലക്ട്രിക്കൽ ഇന്സ്പെക്ടറേറ്റ് പരിശോധനയ്ക്കിടെയാണ് സംഭവം. സൂപ്പര് സ്പെഷ്യാലിറ്റി ഓപ്പറേഷൻ തിയറ്ററുകള് പ്രവര്ത്തിച്ചിരുന്ന ആറാം നിലയിലാണ് സംഭവം.
ആശുപത്രി അധികൃതർ വിവരമറിയിച്ചതോടെ സ്ഥലത്ത് ഫയര്ഫോഴ്സ് യൂണിറ്റുകളെത്തി. നിലവിൽ ആറാം നിലയിൽ രോഗികളില്ല. സ്ഥിതിഗതികള് നിയന്ത്രണ വിധേയമാണ്. സൂപ്പര് സ്പെഷ്യാലിറ്റി ഓപ്പറേഷൻ തിയറ്ററുകള് പ്രവര്ത്തിച്ചിരുന്ന ആറാം നിലയിലാണ് സംഭവം.
കഴിഞ്ഞ ദിവസം ആശുപത്രിയിലെ ഒന്ന്, രണ്ട് നിലകളില് നിന്നാണ് വലിയ രീതിയിൽ പുക ഉയര്ന്നത്. ഇതുമായി ബന്ധപ്പെട്ട പരിശോധനകള് ഉള്പ്പെടെ നടന്നിരുന്നുവെന്നും ഷോര്ട്ട് സര്ക്യൂട്ടിനെ തുടര്ന്നാണ് പുക ഉയര്ന്നതെന്നും രോഗികള് ആരും അവിടെ ഉണ്ടായിരുന്നില്ലെന്നും ആശങ്ക വേണ്ടെന്നും മെഡിക്കൽ കോളേജ് അധികൃതര് അറിയിച്ചു.
