കൽപറ്റയിലേക്കുള്ള യാത്രാമധ്യേ കാർ അപകടം കണ്ട് വാഹനവ്യൂഹം നിർത്തി പ്രിയങ്ക ഗാന്ധി എംപി. തന്റെ വാഹനവ്യൂഹത്തിലെ ഡോക്ടറെ വരുത്തി പരുക്കേറ്റവരെ പരിശോധിക്കാൻ പ്രിയങ്ക നിർദേശം നൽകുകയായിരുന്നു.
അപകടത്തിൽപ്പെട്ടവരെ ആംബുലൻസിൽ ആശുപത്രിയിലെത്തിക്കാൻ നിർദ്ദേശം നൽകിയ ശേഷമാണ് പ്രിയങ്ക യാത്ര തുടർന്നത്. കോഴിക്കോട് കരിപ്പൂർ വിമാനത്താവളത്തിൽ നിന്ന് വരുന്ന വഴി ഈങ്ങാപുഴയിൽ വെച്ചാണ് എംപി അപകടത്തിൽപ്പെട്ടവർക്ക് സഹായമേകിയത്.
