സിപിഎം എറണാകുളം ജില്ലാ സെക്രട്ടറിയായി എസ് സതീഷിനെ തിരഞ്ഞെടുത്തു.
കോതമംഗലം സ്വദേശിയും ഡിവൈഎഫ്ഐ മുൻ സംസ്ഥാന പ്രസിഡൻ്റും നിലവിൽ സംസ്ഥാന യുവജനക്ഷേമ ബോർഡ് വൈസ് ചെയർമാനും സിപിഎം സംസ്ഥാന കമ്മിറ്റിയംഗവുമാണ് സതീഷ്.
കെഎസ് അരുൺ കുമാർ, ഷാജി മുഹമ്മദ് എന്നിവർ എറണാകുളം പാർട്ടി ജില്ലാ സെക്രട്ടറിയേറ്റിൽ പുതുതായി എത്തി.
എംപി പത്രോസ്, പിആർ മുരളീധരൻ, ജോൺ ഫെർണാണ്ടസ്, കെഎൻ ഉണ്ണികൃഷ്ണൻ, സികെ പരീത്, സിബി ദേവദർശനൻ, ആർ അനിൽകുമാർ, ടിസി ഷിബു, പുഷ്പദാസ്, കെഎസ് അരുൺ കുമാർ, ഷാജി മുഹമ്മദ് എന്നിവരാണ് എറണാകുളം ജില്ലയിലെ 12 അംഗ ജില്ലാ സെക്രട്ടേറിയറ്റ്.
