കണ്ണൂർ തളിപ്പറമ്പ് സര് സയ്യിദ് കോളജിന് പാട്ടത്തിന് നല്കിയ വഖഫ് ഭൂമിയെ ചൊല്ലി വിവാദം. സർസെയ്ദ് കോളേജ് സ്ഥിതിചെയ്യുന്ന 25 ഏക്കർ ഭൂമിയിലാണ് തർക്കം.
ഭൂമിയുടെ ഉടമസ്ഥാവകാശം നരിക്കോട്ട് ഇല്ലത്തിന് ആണെന്നുകാണിച്ച്, ഹൈക്കോടതിയില് കോളജ് മാനേജ്മെന്റ് തെറ്റായ രേഖ നല്കിയെന്നും, വഖഫ് സ്വത്ത് തട്ടിയെടുക്കാനുള്ള ശ്രമമാണെന്നും വഖഫ് സംരക്ഷണ സമിതി ആരോപിച്ചു. എന്നാല്, വാദം പൂര്ണമായും തള്ളിയ കോളജ്, തണ്ടപ്പേര് മാറ്റാന് മാത്രമാണ് കോടതിയില് പോയതെന്ന് വിശദീകരിച്ചു.
മുസ്ലീം ലീഗ് നേതാക്കൾ വഖഫ് ഭൂമി സ്വന്തമാക്കാൻ ശ്രമിക്കുന്നെന്നാണ് ആരോപണം. ഇതിനായി തളിപ്പറമ്പിലെ ഭൂമി വഖഫ് അല്ലെന്ന് സത്യവാങ്മൂലം നൽകിയെന്നും ആരോപണമുണ്ട്. ലീഗിനെതിരെ സി പി ഐ എമ്മും വിഷയം ഏറ്റെടുത്തു കഴിഞ്ഞു.
