കേരളത്തിന് ആശ്വാസം, ഇന്ന് മുതൽ സംസ്ഥാനത്ത് മഴ മുന്നറിയിപ്പുകൾ ഇല്ല. അടുത്ത അഞ്ച് ദിവത്തേയ്ക്ക് പ്രഖ്യാപിച്ച മഴ സാധ്യത പ്രവചനത്തിൽ വെള്ള അലർട്ടാണ് എല്ലാ ജില്ലകൾക്കും നൽകിയിരിക്കുന്നത്. മത്സ്യത്തൊഴിലാളികൾക്കും പ്രത്യേക മുന്നറിയിപ്പുകളൊന്നും പുറപ്പെടുവിച്ചിട്ടില്ല.
കഴിഞ്ഞ ദിവസങ്ങളിൽ തെക്കൻ കേരളത്തിൽ പച്ച അലർട്ടുകൾ പുറപ്പെടുവിച്ചിരുന്നു. പല ജില്ലകളിൽ നേരിയ തോതിലുള്ള മഴയും രേഖപ്പെടുത്തിയിരുന്നു. എന്നാൽ തുടർന്നുള്ള ദിവസങ്ങളിൽ താപനില ഉയരുമെന്നാണ് സൂചന. ഏകദേശം ഒരാഴ്ച മുൻപ് കാലാവസ്ഥ കേന്ദ്രത്തിൻ്റെ താപനില മുന്നറിയിപ്പ് നിലനിന്നിരുന്നു. ഇതിന് പിന്നാലെ 2-3 ഡിഗ്രിവരെ താപനില ഉയർന്നതായും റിപ്പോർട്ട് ചെയ്യപ്പെട്ടു. മഴ മുന്നറിയിപ്പുകൾ നിലയ്ക്കുന്ന സാഹചര്യത്തിൽ സംസ്ഥാനത്തെ ചൂട് വർദ്ധിക്കുമോ എന്നതാണ് ഉയരുന്ന ആശങ്ക.
