കോട്ടയം: മണ്ഡലത്തിലെ ഗ്രാമീണ റോഡുകളുടെ നിർമാണ പ്രവർത്തനങ്ങൾ സമയബന്ധിതമായി പൂർത്തിയാക്കുമെന്ന് കോട്ടയം എംപി ഫ്രാൻസിസ് ജോർജ്. ലോക്സഭാ മണ്ഡല പരിധിയിലെ 19 റോഡുകളാണ് പിഎംജിഎസ്വൈ പദ്ധതിയിലുൾപ്പെടുത്തി സമയബന്ധിതമായി പൂർത്തിയാക്കുക. കേന്ദ്രാവിഷ്കൃത പദ്ധതിയിൽ ഉൾപ്പെടുത്തി കോട്ടയം പാർലമെൻ്റ് മണ്ഡലത്തിൽ നടന്നു വരുന്ന പ്രവൃത്തികൾ അവലോകനം ചെയ്യുന്നതിനായി കോട്ടയം കളക്ട്രേറ്റിൽ കഴിഞ്ഞദിവസം യോഗം ചേർന്നിരുന്നു.
കോട്ടയം: മണ്ഡലത്തിലെ ഗ്രാമീണ റോഡുകളുടെ നിർമാണ പ്രവർത്തനങ്ങൾ സമയബന്ധിതമായി പൂർത്തിയാക്കുമെന്ന് കോട്ടയം എംപി ഫ്രാൻസിസ് ജോർജ്. ലോക്സഭാ മണ്ഡല പരിധിയിലെ 19 റോഡുകളാണ് പിഎംജിഎസ്വൈ പദ്ധതിയിലുൾപ്പെടുത്തി സമയബന്ധിതമായി പൂർത്തിയാക്കുക. കേന്ദ്രാവിഷ്കൃത പദ്ധതിയിൽ ഉൾപ്പെടുത്തി കോട്ടയം പാർലമെൻ്റ് മണ്ഡലത്തിൽ നടന്നു വരുന്ന പ്രവൃത്തികൾ അവലോകനം ചെയ്യുന്നതിനായി കോട്ടയം കളക്ട്രേറ്റിൽ കഴിഞ്ഞദിവസം യോഗം ചേർന്നിരുന്നു.
കോട്ടയം ജില്ലയിലെ 6 നിയോജമണ്ഡലത്തിലെ 14 റോഡുകളും എറണാകുളം ജില്ലയിലെ പിറവം നിയോജക മണ്ഡലത്തിലെ 5 റോഡുകളും ഉൾപ്പെടെ 19 റോഡുകളുടെ നിർമാണ പുരോഗതിയാണ് യോഗം ചർച്ച ചെയ്തത്. ഇതിൽ 14 റോഡുകളുടെ നിർമാണ പ്രവർത്തനങ്ങൾ ഉടൻ പുനരാരംഭിച്ചു പൂർത്തിയാക്കും. ബാക്കി 5 റോഡുകളുടെ നിർമാണത്തിന് ഉണ്ടായിരിക്കുന്ന തടസ്സങ്ങൾ നീക്കുന്നതിന് ആവശ്യമായ നടപടികൾ അടിയന്തിരമായി സ്വീകരിക്കുമെന്ന് എംപി ഫ്രാൻസിസ് ജോർജ് പറഞ്ഞു.
നിർമാണ പ്രവർത്തനങ്ങൾ ഉടൻ പൂർത്തിയാക്കുന്ന പ്രവൃത്തികൾ
1. പൂവരണി അമ്പലം പിഎച്ച്സി റോഡ്
2. വാകത്താനം സെൻ്റ് ജോൺസ് ചർച്ച് വള്ളിക്കാട്ട് ദയറാ റോഡ്
3. പാറമട കുരീക്കൽ സെൻ്റ് തോമസ് പരുവനാടിച്ചിറക്കണ്ടം നടുവിലമാവ് റോഡ്
4. മടയൻകുന്ന് കുറവിലങ്ങാട് കുര്യം വില്ലോനിക്കുന്നം റോഡ്
5. മാണികാവ് വട്ടയിൽതൂങ്കൽ വട്ടക്കുന്ന് റോഡ്
6. ചെമ്മനാംകുന്ന് മുടക്കരിപ്പടവ് റോഡ്
7. ചൂരക്കുന്ന് കോട്ടപ്പള്ളി എഴുവാൻകുളം തച്ചിലങ്ങാട് മോളേ ക്കരി റോഡ്
8. കുളങ്ങരപ്പടി ചുണ്ടലിക്കാട്ട്പ്പടി തരപ്പേൽപ്പടി റോഡ്
9. ചേർപ്പുങ്കൽ മരങ്ങാട്ടുപള്ളി ഇടാട്ടുമന മുണ്ടുപാടം നെല്ലിപ്പുഴ ഇട്ടിയപ്പാറ പ്രാർഥനാഭവൻ റോഡ്.
10. ചാപ്പമററം 9ാംമൈൽ പരുതലമറ്റം പടിഞ്ഞാറ്റുകര മീനടം റോഡ്
11. അയാംകുടി എഴുമാന്തുരുത്ത് അട്ടക്കൽ കടുത്തുരുത്തി റോഡ്.
12. മേമുഖം അറക്കുന്നം മണീട് റോഡ്
13. ശിവാലി ഗാന്ധിനഗർ ശൂലം തലവടി ആറ്റുവേലിക്കുഴി വിളങ്ങപ്പാറ മാങ്കുളം ആലപ്ര റോഡ്
14. വെട്ടിക്കൽ വെട്ടിത്തറ മുടക്കോട്ടിച്ചിറ സെൻ്റ് തോമസ് ചർച്ച് മുടക്കിക്കാവ് റോഡ്.
പ്രവൃത്തി മുടങ്ങിക്കിടക്കുന്ന 5 റോഡുകൾ
1. പരിപ്പ് തൊള്ളായിരം മാഞ്ചിറ റോഡ് ടെൻഡർ ചെയ്തപ്പോൾ കരാറുകാരൻ 40 ശതമാനം കൂടുതലാണ് ക്വോട്ട് ചെയ്തത്. കരാറുകാരനുമായി ഉദ്യോഗസ്ഥർ ചർച്ച ചെയ്തെങ്കിലും തുക കുറക്കാൻ കരാറുകാരൻ തയ്യാറായില്ല. അതുകൊണ്ട് ഈ പ്രവൃത്തി റീ ടെൻഡർ ചെയ്യുവാൻ യോഗം തീരുമാനിച്ചു.
2. കോതനല്ലൂർ ഓണംതുരുത്ത് ആനമല കുറുമുള്ളൂർ മുണ്ടുവേലിപ്പടി പറയമാക്കിൽ കരാടി റോഡ് പുതുക്കിയ എസ്റ്റിമേറ്റ് ഗവൺമെൻ്റിലേക്ക് സമർപ്പിച്ചിരിക്കുകയാണ്. ഇതിന് അനുവാദം കിട്ടുന്ന മുറക്ക് ടെൻഡർ ക്ഷണിച്ചു നിർമാണം ആരംഭിക്കും.
3. 15ാംമൈൽ കെകെ റോഡ് അരുവിക്കുഴി റോഡിലെ ജലജീവൻ മിഷൻ പ്രവൃത്തികൾ പൂർത്തീകരിക്കുന്നതിന് കാലതാമസം ഉണ്ടായതിനാൽ പ്രവൃത്തി തുടങ്ങാൻ കഴിഞ്ഞില്ല. കരാറുകാരനെ മനപൂർവ്വമുള്ള വീഴ്ച അല്ലാത്തതിനാൽ നഷ്ടോത്തര വാദിത്വമില്ലാതെ ടെർമിനേറ്റ് ചെയ്തു. ഈ പ്രവൃത്തിയുടെ പുതുക്കിയ എസ്റ്റിമേറ്റ് സർക്കാരിലേക്ക് സമർപ്പിച്ചിരിക്കുകയാണ്. എത്രയും വേഗം അനുവാദം ലഭിക്കാൻ സർക്കാരിൽ സമ്മർദ്ദം ചെലുത്തും.
4. പിറവം നിയോജക മണ്ഡലത്തിലെ ചേട്ടിപ്പീടിക തട്ടേക്കാട് മണ്ണത്തൂർ റോഡിൻ്റെ തടസ്സങ്ങൾ നീക്കി ഉടൻ നിർമ്മാണം ആരംഭിക്കും.
5. കൊച്ചേരി താഴം പള്ളത്തു കുഴി ചീപ്പുംപടി പെരുമ്പടവം പള്ളിപ്പടി വലയാബ്രായിൽ റോഡ് ഉടൻ ടെൻഡർ ക്ഷണിക്കും.
