കൊല്ലം ശാസ്താംകോട്ടയിൽ ഭർതൃവീട്ടിൽ യുവതിയെ മരിച്ച നിലയിൽ കണ്ടെത്തിയ സംഭവം കൊലപാതകം. മൈനാഗപ്പള്ളി സ്വദേശി ശ്യാമയുടെ (26) പോസ്റ്റുമോർട്ടത്തിലാണ് ഇക്കാര്യം തെളിഞ്ഞത്. ഭർത്താവ് രാജീവിനെ ശാസ്താംകോട്ട പൊലീസ് അറസ്റ്റ് ചെയ്തു. ഇയാൾ യുവതിയെ കഴുത്തുഞെരിച്ച് കൊലപ്പെടുത്തിയതാണെന്ന് പോലീസ് കണ്ടെത്തി.
കുടുംബപ്രശ്നങ്ങളെ തുടർന്നുള്ള വഴക്കാകാം കൊലപാതകത്തിൽ കലാശിച്ചതെന്ന് പോലീസ് പറഞ്ഞു. പ്രതി കുറ്റം സമ്മതിച്ചു.
ഞായറാഴ്ച രാത്രി ഒൻപതോടെയാണ് സംഭവം. ഭാര്യ മുറിയിൽ ബോധമില്ലാതെ വീണുകിടക്കുന്നെന്നും ആശുപത്രിയിലെത്തിക്കാൻ വാഹനം ഏർപ്പാടാക്കണമെന്നും ആവശ്യപ്പെട്ടാണ് രാജീവ് സഹായത്തിന് ആളുകളെ തേടി.
