തിരുപ്പതി ക്ഷേത്രത്തിൽ തിരക്കിൽപ്പെട്ട് മരിച്ച ആറുപേരിൽ ഒരാൾ പാലക്കാട് സ്വദേശിനി.
പാലക്കാട് വണ്ണാമട വെള്ളാരംകൽമേട് സ്വദേശിനിയായ നിര്മല ആണ് മരിച്ചതെന്ന് ബന്ധുക്കള് അറിയിച്ചു. ചൊവ്വാഴ്ചയാണ് തിരുപ്പതി ദർശനത്തിനായി നിർമലയും ബന്ധുക്കളും തിരുപ്പതിയിലേക്ക് പോയത്.
പ്രത്യേക ദർശനത്തിന് ടോക്കൺ എടുക്കാൻ 4000-ത്തിലധികം ഭക്തരാണ് ക്യൂ നിന്നത്. അധികൃതരുടെ വീഴ്ചയെ തുടർന്നുണ്ടായ തിക്കിലും തിരക്കിലും കുറഞ്ഞത് ആറ് പേരാണ് മരിച്ചത്.
മാർഗ്ഗനിർദ്ദേശങ്ങൾ അനുസരിച്ച് ടോക്കൺ കേന്ദ്രങ്ങളിൽ ആംബുലൻസുകൾ തയാറാക്കി നിർത്തിയില്ലെന്നും വൃത്തങ്ങൾ അറിയിച്ചു. അപകടശേഷം ആംബുലൻസുകൾ സ്ഥലത്തെത്താൻ 15-20 മിനിറ്റ് വെെകി.
