തെക്കൻ കാലിഫോർണിയയിൽ കെട്ടിടത്തിൻ്റെ മേൽക്കൂരയിൽ ചെറുവിമാനം തകർന്ന് വീണ് രണ്ട് പേർ മരിച്ചു. 18 പേർക്ക് പരിക്കേൽക്കുകയും ചെയ്തു. ഓറഞ്ച് കൗണ്ടി നഗരമായ ഫുള്ളർട്ടണിലാണ് അപകടം ഉണ്ടായത്.
അപകടത്തെക്കുറിച്ച് ഉച്ചയ്ക്ക് 2.09 ന് പോലീസിന് റിപ്പോർട്ട് ലഭിച്ചതായി ഫുള്ളർട്ടൺ പോലീസ് വക്താവ് ക്രിസ്റ്റി വെൽസ് പറഞ്ഞു.
പിന്നാലെ അഗ്നിശമന സേനാംഗങ്ങളും പോലീസും സ്ഥലത്തെത്തി തീയണയ്ക്കുകയും ചുറ്റുമുള്ള കെട്ടിടങ്ങൾ ഒഴിപ്പിക്കുകയും ചെയ്തു- വെൽസ് പറഞ്ഞു.
