മൂന്നാറിലെ ജനവാസ മേഖലയിൽ നിന്നും പിൻവാങ്ങാതെ കാട്ടുകൊമ്പൻ പടയപ്പ. ഇന്ന് രാവിലെ ദേവികുളം മാനില എസ്റ്റേറ്റിന് സമീപം കാട്ടാനയെത്തി.
കാട്ടുകൊമ്പൻ പ്രദേശത്ത് കൃഷിനാശവും വരുത്തി. കാടുകയറാതെ മൂന്നാറിലെ ജനവാസ മേഖലയിൽ തന്നെ തുടരുകയാണ് പടയപ്പ. പ്രദേശത്ത് കാട്ടാന കൃഷിനാശം വരുത്തി. കാട്ടാന ജനവാസ മേഖലക്ക് സമീപം നിലയുറപ്പിച്ചിരിക്കുന്നതിനാൽ പ്രദേശത്തെ കുടുംബങ്ങൾ ആശങ്കയിലാണ്.
ജനവാസ മേഖലയിലൂടെ ചുറ്റിത്തിരിയുന്ന കാട്ടാനയെ കാടു കയറ്റണമെന്ന ആവശ്യം ശക്തമാണ്. ദിവസങ്ങൾക്ക് മുമ്പ് കുട്ടികളുമായി പോയ സ്കൂൾ ബസിന് നേരെ പടയപ്പ പാഞ്ഞടുത്തിരുന്നു.
