വഖഫ് സ്വത്ത് അനധികൃതമായി കൈവശം വയ്ക്കുന്നത് ക്രിമിനൽ കുറ്റമാക്കി 2013-ലെ വഖഫ് നിയമ ഭേദഗതിക്ക് മുൻകാല പ്രാബല്യമില്ലെന്ന് കേരള ഹൈക്കോടതി. 1999 മുതൽ വഖഫ് വസ്തുവിൽ പ്രവർത്തിക്കുന്ന തപാൽ ഓഫീസിനെതിരെ വഖഫ് ബോർഡ് നൽകിയ കേസിലാണ് ഹൈക്കോടതിയുടെ ഉത്തരവ്.
കേരള സംസ്ഥാന വഖഫ് ബോർഡ് നൽകിയ പരാതിയുടെ അടിസ്ഥാനത്തിലാണ് കാലിക്കറ്റ് പോസ്റ്റൽ ഡിവിഷൻ സീനിയർ സൂപ്രണ്ടിനും മാരിക്കുന്ന് സബ് പോസ്റ്റ് മാസ്റ്റർക്കും എതിരെ കേസെടുത്തത്. 2013-ലെ ഭേദഗതി കൊണ്ടുവരുന്നതിന് മുമ്പ് 1999 മുതൽ വഖഫ് വസ്തുവിൽ പോസ്റ്റ് ഓഫീസ് പ്രവർത്തിച്ചിരുന്നു.
വഖഫ് ബോർഡിൻ്റെ അനുമതിയില്ലാതെ വഖഫ് സ്വത്ത് അന്യാധീനപ്പെടുത്തിയെന്നാരോപിച്ച് രണ്ട് തപാൽ വകുപ്പ് ഉദ്യോഗസ്ഥർക്കെതിരായ ക്രിമിനൽ നടപടികൾ കോടതി റദ്ദാക്കി.
