ഫിലാഡൽഫിയ: മലയാളി അസോസിയേഷൻ ഓഫ് ഗ്രേറ്റർ ഫിലാഡൽഫിയ അണിയിച്ചൊരുക്കുന്ന ഓണാഘോഷത്തിന്റെ ഒരുക്കങ്ങൾ ചിട്ടയായ രീതിയിൽ പുരോഗമിക്കുന്നതായി മാപ്പ് എക്സിക്യൂട്ടീവ് അറിയിച്ചു.
ഫിലഡൽഫിയയിൽ “sangamotsav24′ എന്ന് നാമകരണം ചെയ്ത ഈ അഘോഷം ശനിയാഴ്ച(സെപ്റ്റംബർ ഏഴ്) മൂന്ന് മുതൽ സീറോമലബാർ പള്ളി ഓഡിറ്റോറിയത്തിൽ അരങ്ങേറുന്നു.
ഇന്ത്യയിലെ വിവിധ സംസഥാനങ്ങളിലെ തനത് കലാരൂപങ്ങൾ 150ൽ പരം ആർട്ടിസ്റ്റുകൾ വേദിയിൽ അണിയിച്ചൊരുക്കും. അതോടൊപ്പം മലയാളത്തിന്റെ തനത് കലാരൂപങ്ങളും അരങ്ങേറും.
സംവിധായകൻ ബ്ലെസിയും മുഖ്യാതിഥിയായി പരിപാടിയിൽ പങ്കെടുക്കും. ആഘോഷം വേറിട്ടൊരു അനുഭവമാക്കാനുള്ള പ്രയത്നത്തിലാണ് മാപ്പിന്റെ വിവിധ സബ് കമ്മിറ്റികൾ. വാഴയിലയിൽ വിളമ്പുന്ന രുചിയൂറിയ ഓണസദ്യ ഇത്തവണത്തെ മറ്റൊരു പ്രത്യേകതയാണ്.
ആഘോഷത്തിന്റെ ഭാഗമായി ലഭിക്കുന്ന മുഴുവൻ ലാഭവും വയനാട് പുനരുദ്ധാരണ പ്രവർത്തിനായി വിനിയോഗിക്കുമെന്ന് കമ്മിറ്റി അംഗങ്ങൾ അറിയിച്ചു.
എല്ലാവരെയും സഹർഷം സ്വാഗതം ചെയ്യുന്നതായി മാപ്പ് പ്രസിഡന്റ് ശ്രീജിത്ത് കോമത്ത്, ജനറൽ സെക്രട്ടറി ബെൻസൻ വർഗീസ് പണിക്കർ, ട്രഷറാർ ജോസഫ് കുരുവിള (സാജൻ) എന്നിവർ അറിയിച്ചു.
ടിക്കറ്റ്: https://www.mapicc.org/event-details-registration/map-onam-sangamotsav-24.
