മുകേഷിനെതിരായ അന്വേഷണത്തിന് പ്രത്യേക സംഘത്തെ നിയോഗിച്ചു. എസ്പി പൂങ്കുഴലിയാണ് അന്വേഷണത്തിന് നേതൃത്വം നല്കുക. ചേർത്തല ഡിവൈഎസ്പി ബെന്നിയാണ് മുകേഷിനെതിരായ കേസിലെ അന്വേഷണ ഉദ്യോഗസ്ഥൻ. കൊച്ചിയിലെ നടിയുടെ പരാതിയില് നടന് ജയസൂര്യയുടെ കേസ് ഒഴികെ മറ്റെല്ലാ കേസിന്റെയും അന്വേഷണ മേൽനോട്ടം എസ് പി പൂങ്കുഴലിക്കാണ്.
അതിനിടെ മുകേഷിന് എറണാകുളം ജില്ലാ സെഷന്സ് കോടതി മുൻകൂർ ജാമ്യം അനുവദിച്ചിരുന്നു. നടിയുടെ ലൈംഗികാരോപണ പരാതിയില് മുന്കൂര് ജാമ്യം തേടി മുകേഷ് സമര്പ്പിച്ച ഹര്ജിയിലാണ് മുന്കൂര് ജാമ്യം. സെപ്റ്റംബര് മൂന്ന് വരെ അറസ്റ്റ് പാടില്ല. മൂന്നിന് ഹര്ജി വീണ്ടും പരിഗണിക്കും. നടിയുടെ ലൈംഗിക പീഡന പരാതിയില് നടനും എം.എല്.എയുമായ മുകേഷിനെതിരെ കൊച്ചി മരട് പോലീസാണ് കേസെടുത്തത്.
എറണാകുളം സ്വദേശിയായ നടിയുടെ പരാതിയിലാണ് കേസ്. ഇതിന് പിന്നാലെയാണ് മുകേഷ് മുന്കൂര് ജാമ്യം തേടി കോടതിയെ സമീപിച്ചത്. കഴിഞ്ഞ ദിവസം പ്രത്യേക അന്വേഷണ സംഘം പരാതിക്കാരിയുടെ മൊഴിയെടുത്തിരുന്നു. ജാമ്യമില്ലാ വകുപ്പ് ചുമത്തിയായിരുന്നു കേസ്. മുകേഷ് വഴങ്ങിത്തരണമെന്ന് ആവശ്യപ്പെട്ടുവെന്നും വൃത്തികെട്ട ഭാഷയില് സംസാരിച്ചുവെന്നുമാണ് പരാതിക്കാരിയുടെ ആരോപണം.
