സംസ്ഥാനത്ത് ഇന്ന് സ്വർണവില ഉയർന്നു. ഒറ്റയടിക്ക് ഒരു പവൻ സ്വർണ്ണത്തിന് 600 രൂപയുടെ വർദ്ധനവാണ് ഉണ്ടായത്. ഇന്നലെ 20 രൂപയാണ് വർദ്ധിച്ച് 6640 രൂപ ഗ്രാമിന് എത്തിയ സ്വർണം ഇന്ന് 75 രൂപ വർദ്ധിച്ച് 6715 രൂപയിലേയ്ക്ക് ഉയർന്നു. ഇതോടെ പവന് 53,720 രൂപയായി വിപണി വില.
18 കാരറ്റ് സ്വർണ്ണത്തിന് 43,952 രൂപയും 24 കാരറ്റ് സ്വർണ്ണത്തിന് 58,600 രൂപയുമാണ് വില. തിങ്കളാഴ്ച വിപണി തുറന്നപ്പോള് സ്വർണ വിലയില് ഇടിവാണ് കണ്ടത്. 53,040 രൂപയിലാണ് തിങ്കളാഴ്ച വ്യാപാരം നടന്നത്. കഴിഞ്ഞ മാസമായിരുന്നു സ്വർണവില ചരിത്രത്തിലാദ്യമായി പവന് 55000 രൂപ കടന്നത്. തുടര്ന്ന് നാലുദിവസത്തിനിടെ പവന് രണ്ടായിരം രൂപ കുറഞ്ഞ ശേഷം കൂടിയും കുറഞ്ഞുമാണ് സംസ്ഥാനത്ത് സ്വർണ വില മുന്നേറിയത്.
