ബംഗാളിലെ സിലിഗുരിയിൽ തിങ്കളാഴ്ച രാവിലെ കാഞ്ചൻജംഗ എക്സ്പ്രസ് ട്രെയിൻ അപകടത്തിൽപ്പെട്ടു. കൊൽക്കത്തയിലെ സീൽദാ സ്റ്റേഷനിലേക്ക് പോകുകയായിരുന്ന ട്രെയിനിൻ്റെ പിന്നിൽ നിന്ന് ചരക്ക് ട്രെയിൻ ഇടിച്ചാണ് അപകടമുണ്ടായത്.
അപകടത്തിൽ ഇതുവരെ മരണങ്ങളൊന്നും റിപ്പോർട്ട് ചെയ്തിട്ടില്ല.
കാഞ്ചൻജംഗ എക്സ്പ്രസ് ന്യൂ ജൽപായ്ഗുരി സ്റ്റേഷനിൽ നിന്ന് സീൽദായിലേക്കുള്ള യാത്ര ആരംഭിച്ചതിന് തൊട്ടുപിന്നാലെയാണ് കൂട്ടിയിടി.
ബംഗാൾ മുഖ്യമന്ത്രി മമത ബാനർജി അപകടത്തിൽ ആശങ്ക രേഖപ്പെടുത്തി, ജില്ലാ മജിസ്ട്രേറ്റും ഡോക്ടർമാരും ആംബുലൻസുകളും സംഭവസ്ഥലത്ത് എത്തിച്ചിട്ടുണ്ട്.
“ഡാർജിലിംഗ് ജില്ലയിലെ ഫാൻസിഡെവ മേഖലയിൽ നടന്ന ഒരു ദാരുണമായ ട്രെയിൻ അപകടത്തെക്കുറിച്ച് അറിഞ്ഞപ്പോൾ ഞെട്ടിപ്പോയി. വിശദാംശങ്ങൾക്കായി കാത്തിരിക്കുമ്പോൾ, കാഞ്ചൻജംഗ എക്സ്പ്രസ് ഒരു ഗുഡ്സ് ട്രെയിനിൽ ഇടിച്ചതായി റിപ്പോർട്ട്. ഡിഎം, എസ്പി, ഡോക്ടർമാർ, ആംബുലൻസുകൾ, ദുരന്തനിവാരണ സംഘങ്ങൾ എന്നിവരെത്തി. രക്ഷാപ്രവർത്തനം, വൈദ്യസഹായം എന്നിവയ്ക്കായി സംഭവസ്ഥലത്തേക്ക് യുദ്ധകാലാടിസ്ഥാനത്തിൽ നടപടി ആരംഭിച്ചു, ”അവർ ട്വീറ്റ് ചെയ്തു.
അപകടസ്ഥലത്ത് അടിയന്തര മെഡിക്കൽ സംഘം എത്തിയിട്ടുണ്ടെന്നും കനത്ത മഴയ്ക്കിടയിൽ രക്ഷാപ്രവർത്തനം പുരോഗമിക്കുകയാണെന്നും നോർത്ത് ഈസ്റ്റ് ഫ്രോണ്ടിയർ റെയിൽവേ (എൻഎഫ്ആർ) ഇന്ത്യ ടുഡേയോട് പറഞ്ഞു.
വിഷയവുമായി ബന്ധപ്പെട്ട് സീൽദാ സ്റ്റേഷനിൽ ഒരു ഹെൽപ്പ് ഡെസ്ക്കും തുറന്നിട്ടുണ്ട്.
