ലക്നോ: പീഡനശ്രമത്തിനിടെ പ്രായപൂർത്തിയാകാത്ത പെൺകുട്ടിയെ കൊലപ്പെടുത്തിയയാൾ അറസ്റ്റിൽ. ഉത്തർപ്രദേശിലെ ലഖിംപുർഖേരിയിലാണ് സംഭവം.
സദ്ദാം(23) എന്നയാളാണ് പിടിയിലായത്. പോലീസുമായി ഏറെ നേരം നീണ്ടുനിന്ന വെടിവയ്പ്പിനൊടുവിലാണ് ഇയാളെ അറസ്റ്റ് ചെയ്യാനായത്. ഏറ്റുമുട്ടലിൽ ഇയാൾക്ക് പരിക്കേറ്റു.
സദ്ദാമും കൊല്ലപ്പെട്ട പെൺകുട്ടിയും അയൽവാസികളും പരിചയക്കാരുമാണ്. ഇയാൾ പെൺകുട്ടിയെ സമീപത്തെ കരിമ്പിൻ തോട്ടത്തിലേക്ക് കൊണ്ടുപോകുകയും ഇവിടെവച്ച് പീഡിപ്പിക്കാൻ ശ്രമിക്കുകയും ചെയ്തു.
എന്നാൽ പെൺകുട്ടി എതിർത്തപ്പോൾ ഇയാൾ കുട്ടിയെ ശ്വാസം മുട്ടിച്ച് കൊലപ്പെടുത്തുകയും മൃതദേഹം ഉപേക്ഷിച്ച് കടന്നുകളയുകയുമായിരുന്നുവെന്ന് ഉന്നത പോലീസ് ഉദ്യോഗസ്ഥൻ അറിയിച്ചു.
