തിരുവനന്തപുരം ശ്രീ പത്മനാഭസ്വാമി ക്ഷേത്ര ദർശനം നടത്തി നടൻ മോഹൻലാൽ. തിങ്കളാഴ്ച പുലർച്ചെയാണ് താരം ക്ഷേത്രത്തിലെത്തിയത്. മോഹൻലാലിനെ പൊന്നാടയണിയിച്ചാണ് അധികൃതർ ക്ഷേത്രത്തിലേക്ക് ക്ഷണിച്ചത്.
2016ലും മോഹൻലാൽ പത്മനാഭസ്വാമി ക്ഷേത്രത്തിൽ എത്തിയിരുന്നു. ജീത്തു ജോസഫിന്റെ ‘നേര്’ എന്ന ചിത്രത്തിലാണ് മോഹൻലാൽ ഇപ്പോൾ അഭിനയിക്കുന്നത്. സിനിമയുടെ ചിത്രീകരണവുമായി ബന്ധപ്പെട്ട് കഴിഞ്ഞ കുറച്ച് ആഴ്ചകളായി മോഹൻലാൽ തലസ്ഥാനത്തുണ്ട്.
പത്തനംതിട്ടയാണ് സ്വദേശമെങ്കിലും മോഹൻലാൽ സ്കൂൾ, കോളേജ് ജീവിതം പൂർത്തിയാക്കിയത് തിരുവനന്തപുരത്താണ്. തിരുവനന്തപുരം ഗവണ്മെന്റ് മോഡൽ സ്കൂളിലായിരുന്നു മോഹൻലാലിന്റെ സ്കൂൾ വിദ്യാഭ്യാസം. കോളജ് പഠനം നടന്നത് എംജി കോളജിലുമായിരുന്നു.
