കാൽഗറി: കാൽഗറിയിലെ മലയാളി സംഘടനയായ ഡബ്യുഎംസിഡബ്യുഎസി സംഘടിപ്പിച്ച പ്രഥമ ക്രിക്കറ്റ് ടൂർണമെന്റിൽ കാൽഗറി ഡെക്കാൻ ചാർജേഴ്സ് വിജയികളായി. കാൽഗറിയിൽ നിന്ന് തന്നെയുള്ള ബ്രൈഡൽ സ്റ്റാഴ്സ് ആണ് റണ്ണേഴ്സ് അപ്പ്.
ഒന്നാം സ്ഥാനത്ത് എത്തിയ കാൽഗറി ഡെക്കാൻ ചാർജേഴ്സിന് 500 കനേഡിയൻ ഡോളറും ട്രോഫിയും രണ്ടാം സ്ഥാനത്ത് എത്തിയ ബ്രൈഡൽ സ്റ്റാഴ്സിന് 250 കനേഡിയൻ ഡോളറും ട്രോഫിയുമാണ് ലഭിച്ചത്.
ഫൈനൽ മത്സരത്തിലെ പ്ലേയർ ഓഫ് ദി മാച്ച് ആയി കാൽഗറി ഡെക്കാൻ ചാർജേഴ്സിന്റെ കൃഷ്ണയെയും പ്ലേയർ ഓഫ് ദി സീരീസ് ആയി ചാർജേഴ്സിന്റെ തന്നെ സാനിയനെയും തെരഞ്ഞെടുത്തു.
സമ്മാനദാന ചടങ്ങിൽ സ്പോൺസർമാരായ അനൂപ് ജോസ് കാൽഗറി, കൃഷ്ണ കർണതപു-കാൽഗറി, ദി റോക്ക് ഫോർട്ട് ചെട്ടിനാട് & സൗത്ത് ഇന്ത്യൻ റസ്റ്റോറന്റ് പ്രതിനിധി എന്നിവരെ കൂടാതെ ഡബ്യുഎംസിഡബ്യുഎസി ചെയർമാൻ ശ്രീകുമാർ, പ്രസിഡന്റ് അനിൽ മേനോൻ,
സെക്രട്ടറി രവിരാജ്, സ്പോർട്സ് ഫോറം പ്രസിഡന്റ് ദീപു പിള്ളൈ എന്നിവർ സന്നിഹിതരായിരുന്നു. മത്സരത്തിൽ പങ്കെടുത്ത എല്ലാ ടീമുകൾക്കും, കാണികൾക്കും അമ്പയർമാരായ സുദീപ്, ഗോകുൽ എന്നിവർക്കും ഡബ്യുഎംസിഡബ്യുഎസിയുടെ എല്ലാ പ്രവർത്തകർക്കും പ്രസിഡന്റ് അനിൽ മേനോൻ നന്ദി അറിയിച്ചു.
