കാബൂള് : അഫ്ഗാനിസ്ഥാനിലെ 20 വര്ഷത്തെ യുദ്ധം അവസാനിപ്പിച്ചുകൊണ്ട് അമേരിക്ക തിങ്കളാഴ്ച രാത്രി കാബൂള് അന്താരാഷ്ട്ര വിമാനത്താവളത്തില് നിന്ന് അവസാന സൈന്യത്തെ ഒഴിപ്പിച്ചു. പ്രതിരോധ വകുപ്പ് പങ്കുവച്ച ഒരു ഫോട്ടോയില് ആര്മി മേജര് ജനറല് ക്രിസ് ഡോണാഹുവാണ് അഫ്ഗാനിസ്ഥാനില് നിന്ന് പുറത്തുപോയ അവസാന യുഎസ് സൈനികന്.
നൈറ്റ് വിഷന് ഒപ്റ്റിക്സ് ഉപയോഗിക്കുന്ന ഒരു ഫോട്ടോയില് 82 -ആം എയര്ബോണ് ഡിവിഷന്റെ കമാന്ഡര് ജനറല് ക്രിസ് ഡൊനാഹു വിമാനത്തില് കയറുന്ന ഫോട്ടോ പുറത്തു വന്നിട്ടുണ്ട്. അഫ്ഗാനിസ്ഥാനില് നിന്നുള്ള യുഎസും നാറ്റോ സഖ്യകക്ഷികളും നടത്തിയ രണ്ടാഴ്ചത്തെ കുടിയൊഴിപ്പിക്കല് അദ്ദേഹത്തിന്റെ വിടവാങ്ങലോടെ അവസാനിച്ചു.
കാബൂളില് നിന്ന് സൈന്യത്തെ പിന്വലിക്കുന്നതിനുള്ള അവസാന തീയതി ആഗസ്റ്റ് 31 ആയി യുഎസ് നിശ്ചയിച്ചിരുന്നു. കണക്കുകള് പ്രകാരം, താലിബാന് കാബൂള് ഏറ്റെടുക്കുന്നതിന് ഒരു ദിവസം മുമ്ബ്, ആഗസ്റ്റ് 14 മുതല് കാബൂളില് നിന്ന് 122,000 -ത്തിലധികം ആളുകളെ വിമാനമാര്ഗ്ഗം ഒഴിപ്പിച്ചു.
