തന്റെ ജീവന് ഭീഷണിയുണ്ടെന്ന് കിറ്റക്സ് ഉടമ സാബു ജേക്കബ്. സര്ക്കാര് വികസനത്തിനോട് മുഖം തിരിച്ചു നില്ക്കുകയാണെന്ന ആരോപണവും അദ്ദേഹം ആവര്ത്തിച്ചു.അതേസമയം ഇന്നലെ വൈകീട്ടും തൊഴില് വകുപ്പ് നോട്ടീസ് നല്കിയെന്ന് സാബു എം ജേക്കബ് ആരോപിച്ചു. 76 നിയമങ്ങള് ലംഘിച്ചു എന്ന് കാണിച്ചാണ് നോട്ടീസ് നല്കിയത്.
രാഷ്ട്രീയ പാര്ട്ടികള്ക്ക് പിരിവ് നല്കാത്തതിനും ഇഷ്ടക്കാരായ അനര്ഹര്ക്ക് ജോല നല്കാത്തതുമൊക്കെ എന്നെ ഉപദ്രവിക്കാന് പല സമയങ്ങളിലായി കാരണങ്ങളായെന്നും സാബു എം ജേക്കബ് പറയുന്നു. നിക്ഷേപം പിന്വലിക്കുന്നു എന്ന് പറഞ്ഞു മൂന്ന് ദിവസത്തിന് ശേഷമാണ് ഉദ്യോഗസ്ഥര് വരുന്നത്. കഴിഞ്ഞ മാസം 28ന് ഇറക്കിയ നോട്ടീസാണ് ഇന്നലെ കിട്ടിയത്. ഉപദ്രവിക്കുന്ന ഉദ്യോഗസ്ഥരെ സസ്പെന്റ് ചെയ്യണം. എല്ലാ രേഖകളും ഹാജരാക്കാന് തയ്യാറാണ്. റെയ്ഡ് നടത്തിയ ഉദ്യോഗസ്ഥരെ വിളിച്ചു വരുത്തണമെന്നും തെറ്റ് സംഭവിച്ചെങ്കില് മാപ്പ് പറയാന് തയ്യാറാണെന്നും അദ്ദേഹം പറഞ്ഞു.
