ഇന്ത്യ ലോകസമാധാനത്തിന്റെ പൗരോഹിത്യം പേറുന്ന രാഷ്ട്രമാണെന്ന് പ്രതിരോധമന്ത്രി രാജ്നാഥ് സിംഗ്. അയല് രാജ്യങ്ങളുമായി ഇന്ത്യ ഒരിക്കലും ആക്രമണത്തിന് മുതിര്ന്നിട്ടില്ല. എന്നാല് ഇങ്ങോട്ട് ആക്രമിക്കാന് വന്നാല് ശക്തമായ മറുപടി കൊടുക്കാന് രാജ്യത്തിനറിയാമെന്നും അദ്ദേഹം പറഞ്ഞു. ബോര്ഡര് റോഡ് ഓര്ഗനൈസേഷന്(ബിആര്ഒ) നിര്മ്മിച്ച റോഡുകള് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
അതേസമയം രാജ്യത്തെ സംരക്ഷിക്കാന് വേണ്ടി ഗല്വാന് താഴ്വരയില് കാവല് നിന്ന് ജീവന് ത്യജിച്ച സൈനികരുടെ ധീരതയും അദ്ദേഹം പ്രശംസിച്ചു. അരുണാചല് പ്രദേശിലും ലഡാക്കിലും ജമ്മു കശ്മീരിലുമായി 12 റോഡുകളാണ് പ്രതിരോധ മന്ത്രി ഉദ്ഘാടനം ചെയ്തത്.ഇതോടെ അന്താരാഷ്ട്ര അതിര്ത്തികളില് സുരക്ഷ ഉറപ്പ് വരുത്താനാകുമെന്നും അദ്ദേഹം വ്യക്തമാക്കി.
