ന്യൂഡല്ഹി: കേന്ദ്ര റെയില്വേ സഹമന്ത്രി സുരേഷ് അംഗഡിയുടെ നിര്യാണത്തില് അനുശോചനം അറിയിച്ച് രാഷ്ട്രപതി രാംനാഥ് കോവിന്ദ്. സുരേഷ് അംഗഡിയുടെ മരണം ഞെട്ടിക്കുന്നതായിരുന്നുവെന്ന് രാഷ്ട്രപതി ട്വീറ്റ് ചെയ്തു. ഒരു നല്ല നേതാവായ അംഗഡി സ്വന്തം മണ്ഡലമായ ബെലഗാവിലെ ജനങ്ങള്ക്കായി അശ്രാന്തമായി പ്രവൃത്തിച്ചുവെന്നും രാഷ്ട്രപതി കുറിച്ചു.
നിയോജക മണ്ഡലമായ ബെലഗാവിയ്ക്കും കര്ണാടകയ്ക്കുമായി അശ്രാന്തം പ്രവര്ത്തിച്ച നേതാവാണ് സുരേഷ് അംഗഡി. അദ്ദേഹത്തിന്റെ വിയോഗത്തില് ഏറെ ദു:ഖമുണ്ട്. അദ്ദേഹത്തിന്റെ ആത്മശാന്തിയ്ക്കായി പ്രാര്ത്ഥിക്കുന്നു. രാഷ്ട്രപതി ട്വിറ്ററില് കുറിച്ചു. അദ്ദേഹത്തിന്റെ കുടുംബാംഗങ്ങളുടെ ദു: ഖത്തില് പങ്കുചേരുന്നുവെന്നും അദ്ദേഹം ട്വീറ്റ് ചെയ്തു.
കോവിഡിനെ തുടര്ന്ന് ചികിത്സയില് തുടരുകയായിരുന്ന അംഗഡി കഴിഞ്ഞ ദിവസം രാത്രിയോടെയാണ് മരിച്ചത്. ഡല്ഹി എയിംസ് ആശുപത്രിയിലായിരുന്നു അദ്ദേഹം ചികിത്സയിലുണ്ടായിരുന്നത്. പാര്ലമെന്റ് സെഷനു മുന്നോടിയായി നടന്ന പരിശോധനയിലാണ് അദ്ദേഹത്തിനു രോഗം സ്ഥിരീകരിച്ചത് . ആദ്യഘട്ടത്തില് ലക്ഷണങ്ങള് ഇല്ലായിരുന്നു. ട്വിറ്ററില് മന്ത്രി തന്നെ രോഗവിവരങ്ങള് പങ്കുവച്ചിരുന്നു.
കേന്ദ്ര മന്ത്രി സുരേഷ് അംഗഡിയുടെ നിര്യാണത്തില് ദുഃഖം രേഖപ്പെടുത്തി രാഷ്ട്രപതി
