കോഴിക്കോട്: അലന്‍ ഷുഹൈബ്, താഹ ഫസല്‍ എന്നിവരുടെ ജാമ്യം റദ്ദാക്കണമെന്നാവശ്യപ്പെട്ട് എന്‍ഐഎ സമര്‍പ്പിച്ച ഹര്‍ജി പരിഗണിക്കാതെ ഹൈക്കോടതി. കേസ് ഹൈക്കോടതിയില്‍ പരിഗണിക്കേണ്ട ഡിവിഷന്‍ ബെഞ്ചിലെ എം.ആര്‍. അനിത കോഴിക്കോട് കോടതിയില്‍ ഇവരുടെ ഹര്‍ജി മുന്‍പ് പരിഗണിച്ചിട്ടുണ്ട്. അതിനാലാണ് ഹര്‍ജി പരിഗണിക്കാതെ ബെഞ്ച് കേസില്‍ നിന്ന് പിന്മാറിയത്. ജസ്‌റ്റിസ് എം.ആര്‍. ഇന്ദിര, ജസ്‌റ്റിസ് ഹരിശങ്ക‌ര്‍ എന്നിവരാണ് ബെഞ്ചിലുണ്ടായിരുന്നത്.
കൊച്ചിയിലെ എന്‍ഐഎ കോടതിയാണ് അലനും താഹയ്‌ക്കും കഴിഞ്ഞയാഴ്‌ച ജാമ്യമനുവദിച്ചത്. ഇത് റദ്ദാക്കണമെന്ന് ആവശ്യപ്പെട്ടാണ് കേസ് അന്വേഷണ സംഘം ഹൈക്കോടതിയിലെത്തിയത്. കേസ് ഇനി ബുധനാഴ്‌ച മ‌റ്റൊരു ബൈഞ്ച് പരിഗണിക്കും.
പന്തീരാങ്കാവ് യുഎപിഎ കേസ്; അപ്പീല്‍ പരിഗണിക്കുന്നതില്‍ നിന്ന് ജഡ്‌ജി പിന്മാറി
