തിരുവനന്തപുരം: സംസ്ഥാനത്ത് അടുത്ത അഞ്ച് ദിവസങ്ങളിലും ശക്തമായ മഴ തുടരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. ബംഗാള് ഉള്ക്കടലില് ആന്ധ്രാ തീരത്ത് നാളെ പുതിയ ന്യൂനമര്ദം രൂപപ്പെട്ടേക്കും. അടുത്തയാഴ്ച മറ്റൊരു ന്യൂനമര്ദത്തിനും സാധ്യതയുണ്ടെന്നും കേന്ദ്ര കാലാവസ്ഥാ നിരീക്ഷണകേന്ദ്രം അറിയിച്ചു.
24 മണിക്കൂറില് 204 മില്ലീ മീറ്റര് വരെയുള്ള അതിശക്തമായ മഴ പെയ്യാന് സാധ്യതയുള്ളതിനാല് ഞായറാഴ്ച കാസര്കോട് ജില്ലയില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. കൂടാതെ ഒറ്റപ്പെട്ടയിടങ്ങളില് 115 മില്ലീ മീറ്റര് വരെയുള്ള ശക്തമായ മഴ സാധ്യത കണക്കിലെടുത്ത് ആലപ്പുഴ, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് എന്നീ ജില്ലകളില് യെല്ലോ അലര്ട്ടും നല്കിയിട്ടുണ്ട്.
ഓറഞ്ച് അലര്ട്ട് പ്രഖ്യാപിച്ച കാസര്കോട്ട് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്, മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണമെന്നും സംസ്ഥാന ദുരനന്തനിവാരണ അതോറിറ്റി മുന്നറിയിപ്പ് നല്കി.
കേരള തീരം, കര്ണാടക തീരം, ലക്ഷദ്വീപ് പ്രദേശം എന്നിവിടങ്ങളില് മണിക്കൂറില് 40 മുതല് 55 കിമീ വരെ വേഗതയില് ശക്തമായ കാറ്റിനു സാധ്യതയുള്ളതിനാല് ഇനിയൊരറിയിപ്പ് ഉണ്ടാകുന്നത് വരെ കേരള തീരത്ത് നിന്ന് യാതൊരു കാരണവശാലും ആരും കടലില് പോകാന് പാടുള്ളതല്ലെന്നും മുന്നറിയിപ്പുണ്ട്. കടല് ക്ഷോഭത്തിന് സാധ്യതയുള്ളതിനാല് തീരദേശമേഖലയിലുള്ളവരും ജാഗ്രത പാലിക്കണം.
അതേസമയം സംസ്ഥാനത്ത് കാലവര്ഷം ശക്തമായിരിക്കുന്ന സാഹചര്യത്തില് നദികളില് ജലനിരപ്പുയരുന്നതിനാല് സംസ്ഥാനത്തെ നാല് ഡാമുകള്ക്ക് റെഡ് അലേര്ട്ട് നല്കിയിട്ടുണ്ട്. പെരിങ്ങല്കുത്ത്, കല്ലാര്ക്കുട്ടി, കുണ്ടള, ഷോളയാര് എന്നീ ഡാമുകളിലാണ് ജലനിരപ്പ് ഉയര്ന്നതിനാല് റെഡ് അലര്ട്ട് നല്കിയത്. പാലക്കാട് മംഗലം ഡാമില് ഓറഞ്ച് അലര്ട്ടും നല്കിയിട്ടുണ്ട്.
